
- 09 ءشىل. 2025 09:40
- 19
قورعانىس ۇلتتىق ۋنيۆەرسيتەتىنەن نازاربايەۆتىڭ ەسىمى الىنىپ تاستالماق
قازاقستاندا تاعى ءبىر جوعارى وقۋ ورنىنىڭ اتاۋىنان تۇڭعىش پرەزيدەنت نۇرسۇلتان نازاربايەۆتىڭ ەسىمى الىنىپ تاستالۋى مۇمكىن. بۇل جولى ءسوز ەلورداداعى قورعانىس ۇلتتىق ۋنيۆەرسيتەتى جايىندا بولىپ وتىر.
"اشىق نقا" پورتالىندا جاريالانعان ۇكىمەت قاۋلىسى جوباسىنا سايكەس، ۋنيۆەرسيتەتتىڭ اتاۋى "قازاقستان رەسپۋبليكاسىنىڭ قورعانىس ۇلتتىق ۋنيۆەرسيتەتى" دەپ وزگەرتىلمەك. قۇجات 18 شىلدەگە دەيىن قوعامدىق تالقىلاۋعا ۇسىنىلعان.
ايتا كەتەيىك، اتالعان اسكەري وقۋ ورنى 2003 جىلى قۇرىلعان، ال 2018 جىلى نازاربايەۆتىڭ اتى بەرىلگەن بولاتىن. بۇعان دەيىن دە ەلدەگى بىرنەشە ءبىلىم جانە مادەنيەت مەكەمەسىنەن تۇڭعىش پرەزيدەنتتىڭ ەسىمى الىنىپ تاستالعان ەدى.