قورقاق باتىر
ەڭگەزەردەي ءبىر قارۋلى جىگىت «باتىرمىن» دەپ ماقتانادى ەكەن. ءبىراق ءوزى سۋ جۇرەك قورقاق بولسا كەرەك. ءبىر كۇنى جاساقتى كوپ ۇرىلار بايدىڭ جىلقىسىن ۇرلاپ كەتەدى. جىلقىنى ۇراڭ ايىرۋعا ەشكىم شىقپايدى. باي الگى جىگىتكە كەلىپ جالىنادى. باتىر قاتتى ساسادى. اقىرى كونىپ «مەنى جۇيرىك اتقا مىنگىزىپ، ەرگە مىقتاپ تاڭىپ تاستاڭدار» دەيدى. باسى قاتتى جۇيرىك ات قيقۋ سالىپ بارا جاتقان ۇرىلارعا قاراي شاۋىپ الا جونەلەدى.
جاۋعا جاقىنداعاندا جۇرەگى ۇشىپ، نە ىستەرىن بىلمەگەن جىگىت شاۋىپ كەلە جاتقان بويى جولدا تۇرعان ءبىر تەرەكتى قاپسىرا قۇشاقتاپ، اتتان ءتۇسىپ قالماق بولادى. ءبىراق ءتۇبى شىرىگەن تەرەك قوپارىلىپ كەتەدى. مۇنى كورگەن ۇرىلاردا ەس قالماي، ايداپ بارا جاتقان جىلقىلارىن تاستاپ، بەت-بەتىنە قاشا جونەلەدى. ءسويتىپ، قورقاقتىڭ «باتىر» اتاعى ارتا تۇسەدى.
You Might Also Like
-
مال سويۋعا قاتاڭ تيىم سالىنعان شاق. ول كەزدە ءوزى باس بولىپ، يشان بازاردان قارا قۇناجىن ساتىپ الىپ كەلىپ، ءتورت ءۇي بىرىگىپ سويىپ الادى. مۇنى ەستىگەن جەرگىلىكتى بەلسەندى:
-
ەكى قۇدا ءجيى قاتىناسىپ جۇرەدى. بىرەۋى ساراڭداۋ ەكەن. قۇداسى ونىڭ ۇيىنە تانىستارىن، قۇدا-جەكجاتتارىن ەرتىپ كەلە بەرەدى. ساراڭ ابدەن ىعىر بولادى. ءبىر جولى ساراڭ قاسىنا قۇدا-جەكجاتتارىن ەرتىپ كەلگە...
