InfoHub Logo

1 سىنىپ
ساباقتىڭ تاقىرىبى: مىسىق پەن ءيتتى قالاي كۇتەدى؟
ماقساتى:
ا) بىلىمدىلىك: وقۋشىلارعا ءۇي جانۋارلارىنىڭ تىرشىلىگى تۋرالى ماعلۇمات بەرۋ. يت پەن مىسىقتىڭ تىرشىلىك ەتۋىنە نە قاجەت ەكەنىن
ءتۇسىندىرۋ؛
ءا) دامىتۋشىلىق: ءتۇرلى تاپسىرمالار ارقىلى ويلاۋ، شىعارماشىلىق قابىلەتىن دامىتۋ. جۇيەلى اۋىزشا سويلەۋ داعدىسىن قالىپتاستىرۋ؛
ب) تاربيەلىك: جانۋارلاردى كۇتىپ قورعاۋعا باۋلۋ. تابيعاتتى، وتانىن سۇيۋگە تاربيەلەۋ.
ساباقتىڭ ءتۇرى: ءداستۇرلى ساباق
ساباقتىڭ ءتيپى: جاڭا ساباق
ساباقتىڭ ءادىسى: ءتۇسىندىرۋ، سۇراق - جاۋاپ، ويىن، ت. ب.
ساباقتىڭ كورنەكىلىگى: سۋرەتتەر، جۇپتىق، توپتىق تاپسىرمالار، ويىن قۇرالدارى.
تەحنيكالىق قۇرال: مۋلتيمەديالىق قۇرال

ساباقتىڭ بارىسى:
ءى. ۇيىمداستىرۋ
ا) پسيحولوگيالىق دايىندىق:
ءبىز ادەپتى بالامىز،
جايناي بەرسىن دالامىز.
تابيعاتپەن دوس بولىپ،
قامقورلىقپەن قارايمىز.

ءىى. وتكەندى ەسكە ءتۇسىرۋ
ءا) ويىن: «سۋرەتتى تولىقتىر».
ماقساتى: وقۋشىلاردىڭ ويلاۋ قابىلەتىن دامىتۋ، تاپقىرلىعىن شىڭداۋ.
شارتى: تاقتادا كەيبىر ەلەمەنتتەرى جوق سۋرەتتەر ءىلۋلى تۇرادى. وقۋشىلار «جوعىن» تاۋىپ جۇپتاستىرۋى شارت. ونى دالەلدەپ سويلەيدى.
- بالالار «سۋرەتتى تولىقتىر» ويىنىن وينايمىز. وندا تاقتاداعى سۋرەتتەردى تولىقتىرىپ جانە سول سۋرەت بويىنشا نە بىلەتىنىمىزدى ايتا كەتەيىك.
ب) بەلگى بويىنشا جۇمىس ىستەۋ (جۇپتا جۇمىس جاساۋ).
- بالالار، بەلگى بويىنشا الدارىڭداعى كونۆەرتتى اشىپ، جۇپتا جۇمىس جاسايىق.

ءا) سەرگىتۋ ءساتى
گۇل ءوسىرىپ اۋلاعا
باپتاپ، سۋدى قۇيامىن.
جانۋارعا جەم بەرىپ،
مەن قامقورشى بولامىن.

ءىىى. جاڭا ساباق.
ا) توپتىق تاپسىرما
ويىن: «سيقىرلى قارلار».
ماقساتى: وقۋشىلاردىڭ توپتا جۇمىس ىستەۋ داعدىسىن قالىپتاستىرۋ.
شارتى: وقۋشىلار ءۇش توپقا بولىنەدى. ءار توپقا قار ۇلپالارى بەرىلەدى. ىشىنەن بۋىن، سۋرەت قيمالارىن قۇراستىرۋ.
- ءبىرىنشى، ەكىنشى توپ، مىنا قار ۇلپالارىنىڭ ىشىندە بۋىندار جاسىرىلىپ جاتىر، سولاردان ءسوز قۇراستىرىڭدار.
- ءۇشىنشى توپ سەندەردە سۋرەت قيمالارى بار، سولاردى قۇراستىرايىق.
- ال، بالالار قانداي سوزدەر شىقتى جانە سۋرەتتەر بولدى.
- مىسىق، يت.
- ولاي بولسا بالالار بۇگىن ءبىز مىسىق پەن ءيتتى قالاي كۇتەتىنىن ۇيرەنەمىز.
(سۋرەتتەر تاقتادا ىلىنەدى). بالالار وقۋلىق بويىنشا سۋرەتتەردى اڭگىمەلەيدى.

ءا) ءمۇعالىم ءسوزى: مىسىققا ءۇش مەزگىل تاماق بەرەدى. مىسىق جىپپەن ويناعاندى ۇناتادى. ونىڭ ءوزىنىڭ جاتاتىن ورىندارى بولادى. مىسىقتى ايىنا ءبىر رەت وزىنە ارنالعان سۋ سابىنمەن شومىلدىرادى. جانۋارلار دارىگەرى مىسىقتارعا جىلىنا ءبىر رەت دارىلەر ەگىپ تۇرادى. وزىنە ارنايى ارنالعان ىدىستارىمەن تاماق ىشەدى. مىسىقتاردا بۇرگەلەر بولماۋ ءۇشىن، 3 اي سايىن دارىلەر بەرىپ تۇرادى.
يتتەردىڭ وزدەرىنە ارنالعان قارعى باۋلارى، باسقا ادامداردى قاپپاۋ ءۇشىن تۇمسىعىنا كيگىزىپ قوياتىنى، ءۇستىن تاراپ تۇراتىن تاراقتارى، ءوزىنىڭ تاماق ىشەتىن ارنايى ىدىستارى بولادى. جاتاتىن ورنى، وينايتىن دوپتارى بولادى. يت سۇيەك، ەتتەردى جاقسى كورەدى. ونىڭ دا وزىنە ارنالعان سابىنى، دارىلەرى بولادى. يت - ادامنىڭ دوسى، جەتى قازىنانىڭ ءبىرى. ادامعا كومەكشى، قورعايدى. ولارعا ارنالعان ويىن الاڭدارى بار.

ب) سەرگىتۋ ءساتى.
الدىندا ءۇيدىڭ،
تۇر ەدى ءبىر مىسىق.
قاسىنا كەلدى،
ءبىر كۇشىك ءۇرىپ.
بىرەۋى مياۋلاپ،
بىرەۋى ىرىلداپ.
سەكىرىپ، قۋانىپ
كەتتى ولار دوستاسىپ.

ءىV. جاڭا ساباق
ا) مۋلتيمەديالىق قۇرالمەن جۇمىس
يت پەن مىسىقتىڭ تۇرلەرىن كورسەتۋ.
ءا) مىسىق پەن ءيتتىڭ پايداسى مەن زيانىن سۇراۋ.
ب) «بوياۋلار سىرى» يت پەن مىسىقتى بوياۋ.

V. قورىتىندى
ا) ويىن: «قاجەتتى زاتتارىن تابايىق»
مىسىق پەن ءيتتىڭ وزىنە قاجەتتى زاتتارىن سىزىقتار ارقىلى قوسايىق.
ءا) سۇراق – جاۋاپ:
بۇگىن ءبىز نە ۇيرەندىك؟

VI. باعالاۋ
وقۋشىلاردى ماداقتاۋ