قوش بول، بالاباقشا!
قوش بول، بالاباقشا
ماقساتى: بالالاردى بىلىمگە، ونەرگە قىزىعۋشىلىعىن ارتتىرۋ، شىعارماشىلىق قابىلەتتەرىن دامىتۋ، وتباسى، بالاباقشا، بالا اراسىنداعى بايلانىستى نىعايتۋ.
قوش بول، بالاباقشا
ماقساتى: بالالاردى بىلىمگە، ونەرگە قىزىعۋشىلىعىن ارتتىرۋ، شىعارماشىلىق قابىلەتتەرىن دامىتۋ، وتباسى، بالاباقشا، بالا اراسىنداعى بايلانىستى نىعايتۋ.
جۇرگىزۋشى. قۇرمەتتى اتا - انالار، ارىپتەستەر بۇگىنگى «ايگولەك» ورتا توبىنىڭ «قوش بول، بالاباقشا» اتتى ەرتەڭگىلىگىنە قوش كەلدىڭىزدەر. ورتاعا بۇلدىرشىندەردى شاقىرامىز، قارسى الىڭىزدار!
جۇرگىزۋشى: ءوتتى قىزىق كوپ كۇندەر،
بەس جاسقادا جەتتىڭدەر،
باراسىڭدار مەكتەپكە
ءبىر بەلەستەن وتتىڭدەر.
ءوستى مىنە بويلارىڭ
ءوستى مىنە ويلارىڭ
قۋانىشقا ورتاقپىز
قۇتتى بولسىن تويلارىڭ.
اقتىلەك: اق تىلەكتى اعىتىپ ءبىر تاستايىق.
قوشتاساتىن كەشىمىزدى باستايىق،
جۇزدەرىڭدە كوركەم شاتتىق ارايى
ءوتسىن سولاي ءار ءبىر كۇنىڭ، ءار ايىڭ.
بەكسۇلتان: قانشا بالا، قانشا قىز
ءبىر شوق گۇلمىز بارشامىز
ويىن كۇلكى ورداسى،
ءبىزدىڭ بالاباقشامىز.
ءبىز ەرتەڭگى باتىرمىز
ءبىز ەرتەڭگى اقىنبىز
ءبىر انادان تۋعانداي،
ءبىز ءبارىمىز تاتۋمىز.
ءان: «ءبىز مەكتەپكە بارامىز»
جۇرگىزۋشى: قۋانىشىمىز ءبىزدىڭ مول
مەكتەپكە ءبىز تارتتىق جول
ۇمىتپايمىز ءوزىڭىزدى
بالاباقشام قوش ساۋ بول! – دەي وتىرىپ قوشتاسۋ ءۆالسىن تاماشالاڭىزدار.
بي «ۆالس»
ەركەجان: بالا باقشا ەسىگىن
ۇشكە تولا اشقانبىز
بالاپانداي ءوسىرىپ
ماپەلەيدى باقشامىز.
داۋرەن: وقيمىز ءبىلىم الامىز
بولاشاق جولىن سالامىز
باقشامەنەن قوشتاسىپ
مەكتەپكە ءبىز بارامىز.
ەرنات: مەكتەپكە ەندى بارامىز
وقيمىز، ساۋىق قۇرامىز
باقشاعا كەلىپ تۇرامىز
مەرەي: تاربيە بەرگەن ۇيامىز،
ءتارتىپتى بالا بولامىز
قوشتاسىپ بالاباقشامەن
مەكتەپكە كەتىپ بارامىز.
جۇرگىزۋشى: وسىدان ءبىر جىل ۋاقىت قۇلان اۋىلىنىڭ ءبىر شەتىندە «بالاپان» بالاباقشا اشىلدى. وندا 6 توپ بالالارى ءومىر ءسۇرىپتى. سونىڭ ىشىندە «ايگولەك» توبىنىڭ بالالارى وتە ەرەكشە بولدى. وزدەرى شەتىنەن ونەرپاز، العىر، تاپقىرلى ەكەن. بۇل توپتىڭ ۇرانى «تەك قانا، العا!» دەگەن ماقساتى ىلعي الدىڭعى قاتاردا كورىنۋ ەدى. كۇندەر ءوتىپ، بۇل بالالار 5 جاسقا جەتكەندە بالاباقشاداعى شاتتىققا تولى ومىرىمەن قوشتاسىپ «ءبىلىم» اتتى ۇلكەن ساپارعا شەككەندى ءجون كوردى.
ءبىلىم حانشايىمى: سالەمەتسىڭدەر مە بالالار! مەكتەپكە باراتىن بالالار سەندەر ەكەنسىڭدەر عوي. مەن ءبىلىم حانشايىمىن سەندەردىڭ بىلىمدەرىڭدى، ونەرلەرىڭدى كورىپ مەكتەپكە دايىن ەكەنىن كورۋگە كەلدىم، دايىنسىڭدار ما؟
1. قازاقستان رەسپۋبليكاسىنىڭ پرەزيدەنتى كىم؟
2. قاي مەملەكەتتە تۇراسىڭدار؟
3. رامىزدەرگە نەلەر جاتادى؟
4. قاي اۋىلدا تۇراسىڭدار؟
راحمەت بالالار ءبارىن بىلەدى ەكەنسىڭدەر. سەندەرگە تاعى سۇراقتارىم بار:
5. قۇستاردا نەشە قانات بار؟
6. قوياندا نەشە قۇلاق بار؟
7. بەسكە دەيىن كىم ساناي الادى؟
8. تۋرا، كەرى ساناپ بەرشى؟
9. ءۇش ساننىڭ كورشىسى، قاي سان؟
10. بەس ساننىڭ كورشىسى قاي سان؟
جۇرگىزۋشى: ءبىلىم حانشايىمى ءبىزدىڭ بالالار ءبىلىمدى جانە ونەرلى، وتىرىپ دەمالىڭىز ونەرلەرىن تاماشالايىق.
بي: «اققۋ»
سايقىمازاق كىرۋى: سالەمدەسەدى بالالارمەن ويىن ويناتادى.
ويىن: «پورتفەل جيناۋ»
بي: «بۋراتينو»
ءان: «ۇستازىم»
جۇرگىزۋشى: اق قارا دەپ بولمەيمىز
ءبىر جىل تۋعان تولدەيمىز
تۋىسقانبىز، تاتۋمىز
بيىكتەرگە ورلەيمىز.
كورەيا ءبيى.
كىشكەنتاي بۇلدىرشىندەر قوناققا كەلۋى
ءبىلىم حانشايىمى: بالالار سەندەر ەرتەگىنى ۇناتاسىڭدار ما؟
قانداي ەرتەگىلەردى بىلەسىڭدەر؟
مەن سەندەرگە ەرتەگى كەيىپكەرلەرىن ايتامىن، سەندەر قاي ەرتەگى ەكەنىن تاباسىڭدار.
- ايۋ، قاسقىر، قويان، اتا، اپا، ءبىر ۋىس ۇن.
- مىسىق، قىز، سيىر، اعاش تال، دۇكەنشى.
جۇرگىزۋشى: بالالار بىزگە قوناققا ەرتەگى ەلىنەن قوناقتار كەلىپتى.
ءان: «ەرتەگىلەر الەمى»
ءبىلىم حانشايىمى ءوزىنىڭ جارلىعىن وقيدى.
بي: «قارا جورعا»
جۇرگىزۋشى: ءبىزدىڭ تۇلەكتەرىمىز بالاباقشا اپكەلەرىنە ارنالعان ريزاشىلىق سەزىمىن بىلدىرەدى.
بالالاردىڭ تاقپاقتارى.
جۇرگىزۋشى: مىنە، بالالارىمىزدىڭ جۇرەكتەرى لۇپىلدەپ مەكتەپ قادام باسقالى تۇر. وزدەرىنىڭ بار ونەرلەرىن اياماي بارىنشا كورسەتتى. سەندەرگە اق جول تىلەيمىن، بۇلدىرشىندەر!
You Might Also Like
