Photo: Bayar Bayar (https://www.pexels.com/@bayar-bayar-631990811) / Pexels
قوستانايدا كاسىپكەرلەرگە 250 مىڭ تەڭگەگە جۋىق ايىپپۇل سالىندى
قوستاناي وبلىسىندا الەۋمەتتىك ماڭىزى بار ازىق-تۇلىك باعاسىن باقىلاۋ كۇشەيتىلىپ، ناتيجەسىندە كاسىپكەرلەرگە جالپى سوماسى 248،6 مىڭ تەڭگەگە جۋىق ايىپپۇل سالىندى. بۇل تۋرالى Infohub.kz اقپارات اگەنتتىگى حابارلايدى.
ساۋدا جانە تۇتىنۋشىلاردىڭ قۇقىعىن قورعاۋ دەپارتامەنتىنىڭ مالىمەتىنشە، وتكەن اپتادا جۇرگىزىلگەن تەكسەرىستەر بارىسىندا «ورت» ج ش س جانە «وتاۋ ساۋدا» ج ش س ساۋدا ورىندارىنا ارنايى توپ جىبەرىلگەن. تەكسەرىس كەزىندە ماماندار كاسىپكەرلەرمەن ءتۇسىندىرۋ جۇمىستارىن جۇرگىزىپ، 17 كوتەرمە جانە 24 بولشەك ساۋدا سۋبەكتىسى قامتىلدى.
باعانى نەگىزسىز وسىرۋگە جول بەرىلمەدى
كاسىپكەرلەرگە زاڭ تالاپتارىن ساقتاۋ، اسىرەسە، الەۋمەتتىك ماڭىزى بار ازىق-تۇلىك تاۋارلارىنا بەلگىلەنگەن 15%-دان اسپايتىن ساۋدا ۇستەمەسىنىڭ شەكتى مولشەرىن اسىرماۋ قاجەتتىگى ەسكەرتىلدى. سونىمەن قاتار، ساۋدانىڭ اشىقتىعى مەن تۇتىنۋشىلارعا تاۋار مەن ونىڭ قۇنى تۋرالى ناقتى اقپارات بەرۋ مىندەتتەرىنە باسا نازار اۋدارىلدى.
باعالار تومەندەدى
تەكسەرىس ناتيجەسىندە ءبىرقاتار ونىمدەردىڭ باعاسى تومەندەدى. اتاپ ايتقاندا، قانت، ىرىمشىك، ايران، تاۋىق ەتى جانە فارش باعاسى 2،2-19%-عا، ال كارتوپ، قىزاناق پەن الما باعاسى 19-39%-عا ارزاندادى.
دەپارتامەنت بۇل باعىتتاعى جۇمىستاردىڭ جالعاساتىنىن اتاپ ءوتتى. ۆەدومستۆونىڭ مالىمەتىنشە، نەگىزگى ماقسات – زاڭبۇزۋشىلىقتاردى انىقتاۋمەن قاتار، باعانىڭ نەگىزسىز وسۋىنە، اسىرەسە، حالىق تۇتىناتىن تاۋارلارعا جول بەرمەۋ.
-
دەپۋتات باحىتجان بازاربەك پودنيال ۆوپروس و ۆوزموجنىح كونفليكتاح ينتەرەسوۆ ي فينانسوۆىح نارۋشەنياح ۆ سفەرە ۆىسشەگو وبرازوۆانيا كازاحستانا.
-
Authorities in Kostanay have fined local businesses nearly 250،000 tenge for inflating prices on essential food items، leading to price reductions.
