InfoHub Logo

تانىمال اكتريسا ءارى پروديۋسەر ءمولدىر مۇقان جەلىدەگى پاراقشاسىندا جاڭا جازباسىن جاريالادى.

ءمولدىر مۇقان Instagram جەلىسىندەگى رەسمي پاراقشاسىندا جاريالاعان ۆيدەوسىندا ۇلكەن قىزى ادەمىن اۋەجايدان كۇتىپ العان ءساتى كورىنەدى.

«بۇل قۋانىشىمدى سوزبەن ايتىپ جەتكىزە الماي تۇرمىن. ادەموعىم امان-ەسەن ۇيگە جەتتى. الەمدە تىنىشتىق بولسىن!» – دەپ جازدى ءمولدىر مۇقان.

بۇعان دەيىن ءمولدىر مۇقان ازىلكەش تۇرسىنبەك قاباتوۆپەن اجىراسۋ تۋرالى العاش رەت اشىق ايتىپ، بۇل شەشىمگە قالاي كەلگەنىن بولىسكەن ەدى. ونەر يەسى بۇل جايىندا جۋرناليست جانار بايسەمىزگە بەرگەن سۇحباتىندا بايانداعان. ونىڭ ايتۋىنشا، وتباسىن ساقتاپ قالۋ ءۇشىن ۇزاق جىلدار بويى تىرىسقانىمەن، اقىرى اجىراسۋعا ءماجبۇر بولعان.

ءمولدىر مۇقاننىڭ سوزىنشە، ولاردىڭ نەكەسىنىڭ ۇزاق ۋاقىتقا سوزىلۋىنا باستى سەبەپ – ءۇمىتتىڭ ۇزىلمەۋى.

«ون ءتورت جىلعا سوزىلۋدىڭ سەبەبى – ۇزىلمەگەن ءۇمىت. بەس بالام بار، سوندىقتان وتباسىمنىڭ بۇزىلعانىن قالامادىم. ءبىر كۇنى تۇرسىنبەكتەن "سونىمەن نە ىستەيمىز، اجىراسامىز با؟" دەگەن سمس كەلدى. ول ءبىرىنشى قادامدى مەن جاساعانىمدى قالاعان سياقتى. مەن ونى بەس ساۋساعىمداي بىلەمىن. ءسويتىپ، ءبىرىنشى ارىز جازۋعا تۋرا كەلدى»، – دەدى ول.

پروديۋسەردىڭ ايتۋىنشا، ۋاقىت وتە كەلە ەرلى-زايىپتىلاردىڭ اراسىنداعى قارىم-قاتىناس سالقىنداپ، اراداعى ۇنسىزدىك كۇشەيگەن.

«ماعان وتە اۋىر بولدى. جۇرەگىم قان جىلادى. سول كەزدە ول "ءبىز قالاي اجىراسامىز، ءبارىن بىرگە جاسادىق قوي" دەدى. باسىندا سول سوزدەر مەنى ۇستاپ قالاتىن. ءبىراق كەيىن ول ۇيدەن ءجيى كەتىپ قالاتىن بولدى»، – دەپ ەسكە الدى ءانشى.

سوعان قاراماستان، ءمولدىر مۇقان بۇرىنعى كۇيەۋىنە قاتىستى جىلى پىكىر ءبىلدىرىپ، ونىڭ بالالارعا قامقور اكە ەكەنىن اتاپ ءوتتى. الايدا ەرلى-زايىپتىلار اراسىنداعى تۇسىنىسپەۋشىلىك اقىرى شەشىلمەگەن.

«تۇرسىنبەك – جاقسى اكە. ءبىراق مەن ءوزىمدى كۇيەۋى بار اداممىن با، جوقپىن با – سونى تۇسىنبەي قالدىم. بۇل تەك ءبىزدىڭ تاعدىرىمىز ەمەس، بالالارىمىزدىڭ ومىرىنە دە اسەر ەتتى. سول سەبەپتى وسىنداي شەشىم قابىلداۋعا تۋرا كەلدى»، – دەدى پروديۋسەر.