قۋعىنشى
ءيا، ءيا. كۋدىم. قۇربىم تۋرمىسقا كەتكەن، سونى قۋىپ باردىم. قىزدىڭ جەڭگەسى ەكەۋىمىزدى شىعارىپ سالىپ جاتقاندا قىستىڭ ىزعارىنا جاۋراپ قالماسىن دەپ، ونىڭ ۇستىنە باتىلدىق ءۇشىن دەپ 100 گراممنان تارتتىرىپ جىبەردى. قالادان بارا جاتقاسىن كىشكەنتاي چيحۋاحۋا ءيتىمدى الىپ الدىم. ءوزى قارا، قۇيرىعى اق ءيتىم 100 گراممنان سوڭ قايدا قالعانىن بىلمەي قالدىم. جولعا شىعىپ تاكسي توقتاتتىق. قىز بالاسى بولعاسىن ماستىعىمىزدى بارىنشا بىلدىرمەيىك دەپ كەلىستىك. تاكسي توقتاپ، ەكەۋىمىز وتىردىق. تاكسيست بىزگە بىردەن "قىزدار ءىشىپ العانسىڭدارما" دەدى. ويپىرماي قايدان سەزدى دەپ اڭ تاڭ بولدىق. اعاي قايدان ءبىلدىڭىز — دەسەك، تاكسيست: ەكەۋىڭ دە الدىنا وتىرىپ الىپسىندار دەيدى. ۇياتاي، ەكەۋىمىز دە ۇشىپ ءتۇسىپ، ارتىنا وتىردىق... باگاجنيككە. نەگىزى جاقسى باردىق. باگاجنيكتە ۇشەۋىمىز. مەن، جەڭگەسى سوسىن قارا توقتى. تاكسيست ەرتەڭ قۇداي تاماققا سوياتىن توقتى. ءبىزدىڭ ماس ەكەنىمزدى ول دا سەزدى ما ءبىلميم باسىن كوتەرىپ "ءماا" دەدى. نەگىزى ونىڭ بىزبەن شاتاعى جوق، ەرتەڭگى كۇنىن ۋايىمداپ جاتىر. مەن امانعالي ەمەسپىن ونىڭ ءسوزىن تۇسىنەتىن. ءبىراق جورامالىمشا " ەح قۋ دۇنيە بۇگىن بار ەرتەڭ جوق" دەپ جاتقان سياقتى. ءبىر كەزدە جەڭگەسى قولتىعىما قاراپ " ايشەكەە قولتىعىڭنىڭ تۇگىن قاراشى" دەيدى. قاراسام قۇداي ساقتاسىن قاپ قارا تۇك. ۇزىندىعى 5 سم دەي. شوشىپ كەتتىم. قولىمدى اقىرىن كوتەرسەم كۇشىگىم. سورلىى ەندى بولماسا ولگەندەي ەكەن. شاماسى اۋىلعا جەتىپ قالدىق. سومكەمدى اقتارىپ تاكسيستتىڭ اقشاسىن بەرمەك بولدىم. ماسقارااا اقشام جوق. ۇمىتىپ كەتتىپپىن. سوسىن بىردەن ايلاعا كوشتىم. كولىك توقتاسىمەن ەكەۋىمىز قاشىپ كەتەمىز دەپ كەلىستىك. ون-ون بەس مينۋتتان سوڭ كولىك توقتادى. ۋادەلەسكەندەي سىرتقا شىقتىم دا قاشا جونەلدىم. قاشىپ كەلەم قاشىپ كەلەم، ارتىما قاراسام جەڭگەمىز جوق. 30 مينۋت كۇتتىم، كەلمەگەسىن ءوزىم قايتا باردىم. بارسام جەڭگەم جىلاپ وتىر. ماعان قاراپ " تىم بولماسا كەتەردە وياتىپ كەتسەڭ قايتەر ەدى" دەپ قويادى. سويتسەم و جارىقتىق ۇيىقتاپ قالعان ەكەن. تاكسيستتەن ۇرىس ەستىپ، جىلاپ وتىرعان جەڭگەمدى اياياياپ كەتتىم.
قۇدالاردىڭ ءۇيىن بىردەن تاپتىق. داستارحاندى مولىنان جايىپ، جاقسى قارسى الدى. جەدىك، ىشتىك. كوپ ءىشىپ قايدىم با، دالاعا شىقتىم. جاي شىقپادىم، دارەتحانا ىزدەپ شىقتىم. قاراڭعىدا ءارى ىزدەدىم، بەرى ىزدەدىم، كورىنبەدى. قىسىلىىىپ كەتتىم، ءسويتىپ شاتاسىپ قورا جاققا بارسام، قورادا تۇرعان سيىر ماعان قاراپ "جايشا ءجۇرسىڭ بە" دەپ قويادى. زارەم قالمادى ۇيگە قاراي زاۋلادىم. "ءماا سيىر سويلەدى ما" دەسەم قولىمداعى كۇشىگىم "ءماا مەن دە شوشىپ كەتتىم" دەپ قويادى. ءسويتىپ تۇرعاندا تۇسىمنان ءداۋ يت ارس ەتە قالدى. ءوزىم قىسىلىپ تۇر ەدىم عوو. شوشىعاننان ءبارى كەتتىىىىى.
ءۇي جاقتان جەڭگەم مەنى ىزدەپ شىعىپتى "قايدا ءجۇرسىڭ، نەگە شىقتىڭ" دەدى. نە ايتارىمدى بىلمەي "ميىم قايناپ كەتتى" دەدىم. قىستىڭ كۇنى، كۇن سۋىق. تەك تومەن جاعىمنان ىستىق بۋ ۇرىپ تۇر. مۇنى كورگەن جەڭگەمىز " سەنىڭ ميىڭ جوق پا دەسەم، بار ەكەن، قايناپ جاتقانىنا قاراعاندا وتەە تومەن ورنالاسقان ەكەن عوي" دەپ قويادى.
ءۇيتىپ-بۇيتىپ قوشتاسىپ قۇربىمدى اماناتتاپ كەتتىم. كەتەردە كۇشىگىمدى تاپپادىم. تەك ماشيناعا وتىرعاندا ءبىر توپ بالالاردىڭ لانگى ويناعانىن كوزىم شالىپ قالدى. قىستا قايداعى لانگى دەرسىزدەر. ءوزى قارا قۇيرىعى اق لانگى. قايران كۇشىگىم ايي....
You Might Also Like
-
شالا تۋعان بالانىڭ مەزگىلىندە تۋعان بالادان ايىرماشىلىعى كوپ. ونىڭ سىرت كورىنىسىنىڭ ءوزى باسقاشا بولادى: باس سۇيەگى ۇلكەن، اياقتارى قىسقا، تەرىسى قۇرعاق جانە ءاجىم سەكىلدى قاتپارلانىپ تۇرادى، تەرىسىنى...
