Photo: Ayazhan (https://www.pexels.com/@ayazhan-3173683) / Pexels
قۇرىلتاي سايلاۋى تامىز ايىندا وتەدى – پرەزيدەنت
قازاقستان پرەزيدەنتى قاسىم-جومارت توقايەۆ ەلدەگى ساياسي جۇيەنى جاڭارتۋ اياسىندا وتەتىن قۇرىلتاي سايلاۋىنىڭ مەرزىمىن ناقتىلادى. جاڭا كونستيتۋسيا كۇشىنە ەنگەننەن كەيىن وتەتىن بۇل ماڭىزدى ساياسي ناۋقان بيىل تامىز ايىندا ۇيىمداستىرىلادى.
بۇل تۋرالى Infohub.kz اقپارات اگەنتتىگى حابارلايدى.
جاڭا كونستيتۋسيا جانە ساياسي رەفورمالار
مەملەكەت باسشىسى عالىمداردى ماراپاتتاۋ راسىمىندە سويلەگەن سوزىندە جاقىندا وتكەن رەفەرەندۋم ناتيجەسىندە قابىلدانعان جاڭا كونستيتۋسيانىڭ ماڭىزدىلىعىن اتاپ ءوتتى. ونىڭ ايتۋىنشا، جاڭا اتا زاڭنىڭ پرەامبۋلاسىندا مادەنيەت، ءبىلىم بەرۋ، عىلىم جانە يننوۆاسيا قۇندىلىقتارىنا باسىمدىق بەرىلگەن. بۇل سالالاردى دامىتۋ ەندى مەملەكەتتىڭ كونستيتۋسيالىق مىندەتى بولىپ سانالادى.
«وزدەرىڭىزگە ءمالىم، قازاقستاندا 15 ناۋرىزدا تاريحي ءمانى زور رەفەرەندۋم ءوتتى. ازاماتتاردىڭ باسىم بولىگىنىڭ قولداۋىمەن مەملەكەتىمىزدىڭ ىرگەسىن نىعايتاتىن، ەلدى بارلىق سالادا، سونىڭ ىشىندە عىلىمدا ورنىقتى دامۋ تراەكتورياسىنا شىعاراتىن جاڭا كونستيتۋسيا قابىلداندى. اتا زاڭىمىزدىڭ پرەامبۋلاسىندا العاش رەت مادەنيەت، ءبىلىم بەرۋ، عىلىم جانە يننوۆاسيا قۇندىلىقتارى ناقتى باعدار رەتىندە بەلگىلەندى. ياعني وسى سالالاردى جان-جاقتى قولداۋعا ستراتەگيالىق ماڭىز بەرىلدى. ەڭ باستىسى، بۇل باعىتتاردى دامىتۋ مەملەكەتتىڭ كونستيتۋسيالىق مىندەتىنە اينالدى»، - دەدى پرەزيدەنت.
قاسىم-جومارت توقايەۆ كونستيتۋسيانى ازىرلەۋگە جانە قابىلداۋعا اتسالىسقان عىلىمي قاۋىمداستىققا العىس ءبىلدىردى. جاڭا اتا زاڭ 2026 جىلدىڭ 1 شىلدەسىنەن باستاپ كۇشىنە ەنەدى. وعان دەيىن بارلىق نەگىزگى زاڭدار جاڭا كونستيتۋسيا نورمالارىنا سايكەستەندىرىلۋى ءتيىس. بۇل جۇمىستى پارلامەنت اتقارادى.
قۇرىلتاي سايلاۋى: نەگە ەرتە حابارلاندى؟
مەملەكەت باسشىسى قۇرىلتاي سايلاۋىنىڭ تامىز ايىندا وتەتىنىن رەسمي تۇردە مالىمدەدى. پرەزيدەنت بۇل اقپاراتتى ادەيى ەرتەرەك جاريالاپ وتىرعانىن اتاپ ءوتتى. سەبەبى، پارتيالارعا سايلاۋ ناۋقانىنا دايىندىق جاساۋعا جانە سايلاۋشىلارمەن جۇمىس ىستەۋگە جەتكىلىكتى ۋاقىت بەرۋ قاجەت.
«مەملەكەت باسشىسى رەتىندە ەلىمىز ءۇشىن ەلەۋلى وقيعالار تۋرالى الدىن الا اقپارات بەرۋ وتە ماڭىزدى دەپ سانايمىن. كونستيتۋسيا كۇشىنە ەنگەن ساتتەن باستاپ ءبىر پالاتالى قۇرىلتاي سايلاۋىن وتكىزۋ جونىندەگى جارلىققا قول قويامىن. سايلاۋ بيىل تامىزدا وتەدى. مۇنى ادەيى ەرتە ايتىپ وتىرمىن. ويتكەنى پارتيالاردىڭ جوسپارلارىن ايقىنداپ، سايلاۋ ناۋقانىنا دايىندىق جۇرگىزۋىنە جەتكىلىكتى ۋاقىتى بولۋى كەرەك. وسىلايشا، پارتيالاردىڭ سايلاۋشىلارمەن ءتيىستى جۇمىس جۇرگىزۋىنە بەس ايعا جۋىق ۋاقىت بەرىلەدى»، - دەدى قاسىم-جومارت توقايەۆ.
پرەزيدەنتتىڭ ايتۋىنشا، قۇرىلتاي سايلاۋى قازاقستاننىڭ ساياسي جۇيەسىن تۇبەگەيلى وزگەرتۋگە جول اشادى. بۇل رەفورمالار قوعام ساناسىنىڭ وڭ باعىتتا وزگەرۋىنە ىقپال ەتۋى ءتيىس.
-
تانىمال بەلسەندى ۇستاز سۇلتان سۇلەيەۆ مۇعالىمدەر اتتەستاسياسىنىڭ بيزنەسكە اينالعانىن ايتىپ، جۇيەنىڭ كەمشىلىكتەرىن سىنادى.
-
President Kassym-Jomart Tokayev announced that the country's Constitutional Assembly elections will take place in August، following the adoption of a new constitution.
