Photo: Julius Silver (https://www.pexels.com/@julius-silver-240301) / Pexels
قۇرىق پورتىنىڭ جاڭا باسشىسى – بوستوننان كەلگەن ماگيستر جانە لوگيستيكا مامانى
ماڭعىستاۋداعى قۇرىق پورتىنىڭ باس ديرەكتورى قىزمەتىنە ەركىن نىعمەتوۆ تاعايىندالدى. بۇل تۋرالى Petrocouncil مۇناي-گاز سالاسىنداعى ستراتەگيالىق سەرىكتەستىكتەردى دامىتۋ كەڭەسى حابارلادى.
بۇل تۋرالى Infohub.kz اقپارات اگەنتتىگى حابارلايدى.
ءبىلىمى مەن تاجىريبەسى
ەركىن نىعمەتوۆتىڭ ءبىلىمى مەن كاسىبي جولى ەرەكشە. ول قازاقستاننىڭ ەكونوميكا، قارجى جانە ساۋدا ۋنيۆەرسيتەتىن (كيمەپ) بىتىرگەن. سودان كەيىن اقش-تاعى بوستون ۋنيۆەرسيتەتىندە جەتكىزۋ تىزبەگىن باسقارۋ ماماندىعى بويىنشا ماگيستر دارەجەسىن الدى. سونداي-اق، Almaty Management University-دە MBA دارەجەسىنە يە بولدى.
ەڭبەك جولىن 2006 جىلى «قازمورترانسفلوت» جشس-دە كوممەرسيالىق دەپارتامەنت مامانى رەتىندە باستاعان.
پورتتى دامىتۋداعى ءرولى
ول ءار جىلدارى كوممەرسيالىق دەپارتامەنتتىڭ باس مەنەدجەرى (2010–2013)، كوممەرسيالىق دەپارتامەنت ديرەكتورى (2013–2015)، ماركەتينگ جانە كەلىسىمشارتتار دەپارتامەنتىنىڭ ديرەكتورى (2015–2016) قىزمەتتەرىن اتقاردى.
2016–2018 جىلدارى تەڭىزشيەۆرويل جوباسىندا (تشو) مەنەدجەر بولىپ جۇمىس ىستەدى. كەيىننەن بيزنەس دامۋ دەپارتامەنتى ديرەكتورى (2018–2021) قىزمەتىن اتقاردى.
2021 جىلدان باستاپ NCOC لوگيستيكالىق رەسۋرستاردى باسقارۋ توبىنىڭ جەتەكشىسى، سونداي-اق «قازمورترانسفلوت» ءجشس-نىڭ كوممەرسيالىق ديرەكتورى بولدى. سوڭعى جۇمىس ورنى – «Caspian Integrated Maritime Solutions» ءجشس-نىڭ بيزنەس دامۋ ديرەكتورى.
ەركىن نىعمەتوۆ – پرەزيدەنتتىك جاستار كادر رەزەرۆىنىڭ مۇشەسى.
جاڭا باسشىنىڭ تاعايىندالۋى پورتتىڭ كولىك-لوگيستيكالىق الەۋەتىن ودان ءارى دامىتۋمەن جانە حالىقارالىق باعىتتارداعى پوزيسياسىن نىعايتۋمەن بايلانىستىرىلادى.
-
قاراعاندى وبلىسىندا بىرنەشە پاتەرگە ۇرلىق جاسادى دەگەن كۇدىكپەن قىلمىستىق توپتىڭ ارەكەتى توقتاتىلدى. جەدەل-ىزدەستىرۋ شارالارى بارىسىندا كريمينالدىق پوليسيا قىزمەتكەرلەرى ارنايى جاساق توبىنىڭ قولداۋىمەن قىلمىستىق توپتى ۇستادى.
-
قازاقستاندىق سپورتشىلار يتاليادا وتكەن وليمپيادا ويىندارىنداعى جارىستارىن اياقتادى. ەل قورجىنىندا ءبىر التىن مەدال بار.
