قۇستار ءبىزدىڭ دوسىمىز
ءوتىلۋ مەرزىمى:
بالانىڭ اتى - ءجونى:
تاقىرىبى: «قۇستار ءبىزدىڭ دوسىمىز»
ماقساتى: جالپى قۇستار تۋرالى، ولاردىڭ تىرشىلىگى مەن پايداسى تۋرالى ماعلۇمات بەرۋ. بالالاردىڭ بەلسەندىلىگىن، قىزىعۋشىلىعىن، سوزدىك قورىن، وي - ءورىسىن دامىتۋ. قۇستاردى قورعاۋعا، قامقورشى بولۋعا، تابيعاتتى سۇيۋگە تاربيەلەۋ.
كورنەكىلىگى قۇستار سۋرەتى، ءتۇرلى ءتۇستى قارىنداشتار، سۋرەت داپتەرى.
ءىس - ارەكەت كەزەڭدەرى
شاتتىق شەڭبەرى.
نۇر قۇشىپ الەمگە
ارايلاپ تاڭ اتتى
جارقىراپ كۇنىمىز
جەر كوكتى وياتتى
قايىرلى تاڭ، قايىرلى كۇن!
- بالالار جىلدىڭ قاي مەزگىلى؟
- كوكتەمدە تابيعاتتا قانداي ەرەكشەلىكتەر بولادى؟
- بالالار سەندەر قانداي قۇستاردى بىلەسىڭدەر؟
دۇرىس ايتاسىڭدار بالالار، قۇستار ەكىگە بولىنەدى. سەندەردىڭ ايتقان قۇستارىڭ دالا قۇستارىنا جاتادى. ال ۇيلەرىڭدە قانداي قۇس بار؟
بالالار ەندى سەندەر قۇستار تۋرالى جاقسىراق ءبىلۋ ءۇشىن كەلەسى ماعلۇماتتاردى تىڭداپ الىڭدار.
قارلىعاش. ءتۇسى: باۋىرى اق، قالعان جەرى قارا. كولەمى: كىشى، قاناتى ءسۇيىر، قۇيرىعى ايىر. ۇياسى: ساز - بالشىقتان قالاپ، سىلەكەيىمەن سۋلاپ سالادى.
جەيتىن قورەگى: شىبىن، ماسا، شىركەيلەر. جىل قۇسى. ەرەكشەلىگى: ادامدارعا وتە جاقىن، ءۇيدىڭ ىشىنە ۇياسىن سالادى.
توقىلداق. ءتۇسى: شۇبار. كولەمى: تورعايدان ءىرى، وتە جىلدام قيمىلدايتىن، ەڭبەكقور قۇس. ۇياسى: اعاشتىڭ ءدىڭىن تەسىپ، ۇيا جاسايدى، تۇسكەن ۇگىندى ۇياسىنىڭ استىنا جۇمساق بولۋ ءۇشىن توسەيدى. جەيتىن قورەگى: اعاشتى تەسىپ، قۇرتتاردى تەرىپ جەيدى قىستاپ قالاتىن قۇس ەرەكشەلىگى: بۇل قۇستى «ورمان دارىگەرى»- دەپ اتايدى.
بۇركىت. ءتۇسى: قوڭىر. كولەمى: ءىرى، جىرتقىش قۇس
ۇياسى: بيىك جارتاستارعا سالادى، بۇتاقتاردان توقىپ سالادى
جەيتىن قورەگى: قۇستار، قويان، تۇلكى، تىشقان.
قۇستاردىڭ ءتۇرى وتە كوپ. جابايى قۇستار تابيعاتتا ءوز الدىنا تىرشىلىك ەتەدى. قۇستاردىڭ پايداسى وتە كوپ. ولار تابيعاتتىڭ بايلىعى سانالاتىن اعاشتاردى، وسىمدىكتەردى زيانكەس جاندىكتەردەن تازارتادى. بارلىق قۇستارعا ورتاق قاسيەت ولار ۇشادى. قاناتتارى، مامىقتارى ءبارىنىڭ تۇمسىقتارى بار. ولار جۇمىرتقالايدى، بالاپان باسادى. ايىرماشىلىعى: قۇستاردىڭ دەنە كولەمى، ءپىشىنى، تۇمسىعى، ءتۇسى، دىبىستارى، تىرشىلىك ەتۋى ءبىر - بىرىنە ۇقسامايدى. قۇستار وتە پايدالى. ولاردىڭ ەتىن، ءجۇنىن، مامىعىن، جۇمىرتقاسىن ادامدار كەرەگىنە پايدالانادى.
د/و: قۇستارعا ارناپ ۇيا سۋرەتىن سالامىز.
سەرگىتۋ ءساتى
كۇن بولىپ شىعامىز
گۇل بولىپ وسەمىز
قۇستار بولىپ ۇشامىز
كوبەلەك بولىپ قونامىز
- وتە جاقسى بالالار
قورىتىندى:
- بالالار قۇستار نەشەگە بولىنەدى؟
- ەكىگە بولىنەدى
- قانداي قۇستار بولىپ بولىنەدى؟
- ۇي قۇستارى جانە دالا قۇستارى
- وتە جاقسى
- بالالار ءۇي قۇستارىنىڭ قانداي پايداسى بار؟
- جۇمىرتقا بەرەدى، ەتىن جەيمىز
- ال دالا قۇستارىنىڭ قانداي پايداسى بار؟
- تابيعاتتى قورعايدى
- وتە جاقسى
- بۇگىنگى ساباققا وتە جاقسى قاتىستىڭدار
وسىمەن ساباعىمىز اياقتالدى.
You Might Also Like
-
: بالا، ادەبيەت، تاريح، حيميا، ءانشى، كينو، لاتىن الىپپەسى، تۇستەر، پسيحولوگيا، لايفحاك؟؟
-
سەندەر ورمان ارالاپ ءجۇرىپ، اسپانمەن تىلدەسكەن ءزاۋلىم اعاشتارعا سۇيسىنە قاراعاندارىڭدا، بۇل جاسىل جەلەك جامىلىپ تۇرعان بولاشاق كىتاپتارىڭ، داپتەرلەرىڭ، ءسۇت قۇياتىن پاكەتتەر، قابىرعالارعا جەلىمدەيتىن ...
