InfoHub Logo

كوپشىلىگىمىزدىڭ جەتكىلىكتى تابىسىمىز بولا تۇرا قيىنشىلىق تارتۋدامىز. ويتكەنى بەرەكە جوق. اللاھۋ تا’الانىڭ ءامىرى مەن تىيىمدارىنا ءمان بەرمەۋ بەرەكەسىزدىككە، قايعى-قاسىرەتكە سەبەپ بولادى. وسىنداي قاسىرەتتەردىڭ بەسەۋى مىنالار:

1. ريزىق تارىلادى: كورىپ جۇرگەنىمىزدەي كوپشىلىك تۇرمىس تاپشىلىعىن تارتۋدا. بۇرىڭعى زاماندا ءبىر ۇيدە ءبىر ادام جۇمىس ىستەيتىن جانە جاقسى كۇنەلتەتىن. ءقازىر ءبىر ۇيدەن 2-3 ادام جۇمىس ىستەيدى، ءبىراق ايتسە دە قيىنشىلىق تولاستار ەمەس.

2. اۋرۋلار كوبەيەدى: بۇگىندەرى شامامەن بارلىق ۇيدە دەرلىك اۋرۋ بار. سوزىلمالى، وتكىنشى اۋرۋلار. ءار ۇيدە دارى-دارمەكتەر قويماسى. بىرەۋدىڭ ءىشى، بىرەۋدىڭ جۇرەگى اۋىرادى. بۇكىل اۋرۋحانالار لىق تولى.

3. قاۋىپسىزدىك بولمايدى: داۋىرىمىزدە بولىپ جاتقانىنداي لانكەستىك، تارتىپسىزدىكتەر، ۇرلىق، الاياقتىق قاپتايدى. ەشكىمنىڭ ەشكىمگە سەنىمى قالمايدى. باۋىرلار بىر-بىرىنە كۇمانداناتىن حالگە كەلەدى. ادامداردا بىر-بىرىنە دەگەن سەنىم قالمايدى. بارلىعى مال-مۇلكىنىڭ، جەكە باسىنىڭ قامىمەن الەك بولادى.

4. مەيىرىمدىلىك كەتەدى: باستىق جۇمىسشىعا، جۇمىسشى باستىققا مەيىرىمدى بولمايدى. جۇمىسشى قينالىپ، ارەڭ كۇن كورىپ جۇرگەن كەزدە باسشىسى اقشانى سۋداي جۇمسايدى. توق ادام اش ادامنىڭ جاعدايىن ويلامايدى. جاعداي وسىلاي بولعان سوڭ جۇمىس ورنىندا، ۇيىندە تىنىشتىق بولمايدى. ايەلى كۇيەۋىن، بالالارى اتا-اناسىن تىڭدامايدى. كورشىلەربىر-بىرلەرىن ۇناتپايدى. مەيىرىم بولماعان سوڭ ادامدار بىر-بىرلەرىنە جاماندىق جاساۋدان تارتىنبايدى.

5. اركىم ءوز جاعدايىن ويلايدى: «مەن راحات ءومىر سۇرسەم بولدى، باسقالاردىڭ بارلىعى قينالىپ ءومىر سۇرسە دە ماعان ءبارىبىر» دەگەن وي ۇستەمدىك ەتەدى.

الايدا ءدىنىمىزدىڭ بۇيىرعانى بويىنشا مۇسىلماندار ءبىر دەنەنىڭ مۇشەلەرىندەي بولۋ كەرەك. ءبىر مۇشەسى اۋرىسا، باسقالارى دا زيان كورەدى.

---