InfoHub Logo

قىرعىزستاندا جولداعى اگرەسسيۆتى مىنەز-قۇلىق ءۇشىن جۇرگىزۋشىلەردى جاۋاپكەرشىلىككە تارتۋ تۋرالى زاڭ جوباسى قوعامدىق تالقىلاۋعا شىعارىلدى. قۇجات جولدارداعى جانجالدار مەن توبەلەس سياقتى اگرەسسيۆتى ارەكەتتەردى رەتتەيتىن جاڭا باپتى ەنگىزۋدى ۇسىنادى.

بۇل تۋرالى Infohub.kz اقپارات اگەنتتىگى حابارلايدى.

جولداعى توبەلەس ءۇشىن جازا

جاڭا زاڭ جوباسى بويىنشا، جولدىڭ ءجۇرىس بولىگىندە توبەلەس نەمەسە جانجالعا قاتىسقان جۇرگىزۋشىلەرگە 10 مىڭ سوم (شامامەن 57 مىڭ تەڭگە) ايىپپۇل سالىنادى. بۇل ارەكەتتەر جول قاۋىپسىزدىگىنە ءقاۋىپ توندىرەدى دەپ تانىلادى.

ەگەر جۇرگىزۋشى ءبىر جىل ىشىندە بۇل قۇقىقبۇزۋشىلىقتى قايتالاسا، جازا قاتايا تۇسەدى. ول التى اي مەرزىمگە جۇرگىزۋشى كۋالىگىنەن ايىرىلۋى مۇمكىن.

زاڭ جوباسىنىڭ ماقساتى

زاڭ جوباسىن باستامالاۋشىلاردىڭ ايتۋىنشا، سوڭعى جىلدارى قىرعىزستاندا جولداعى جانجالدار جيىلەپ، ولار كوبىنەسە توبەلەسپەن اياقتالۋدا. بۇل تەك قاتىسۋشىلارعا عانا ەمەس، باسقا جۇرگىزۋشىلەر مەن جاياۋ جۇرگىنشىلەرگە دە ءقاۋىپ توندىرەدى.

ۇسىنىلعان دەرەكتەرگە سايكەس، جول-كولىك وقيعالارىنىڭ 90 پايىزدان استامى جۇرگىزۋشىلەردىڭ كىناسىنەن بولادى جانە اپاتتىلىق دەڭگەيى وڭىردەگى ەڭ جوعارى كورسەتكىشتەردىڭ ءبىرى بولىپ قالۋدا.

بۇل زاڭ جوباسى جولدارداعى جانجالداردى ازايتۋعا، جۇرگىزۋشىلەردىڭ ءتارتىبىن ارتتىرۋعا جانە ءقاۋىپسىز ءجۇرۋ مادەنيەتىن قالىپتاستىرۋعا باعىتتالعان.