tengrinews.kz
قىرعىزستاندا "ۆازەلين" لاقاپ اتىمەن تانىمال تۇلعا ۇستالدى
قىرعىزستاندا بىشكەك قالاسى بويىنشا ۇلتتىق قاۋىپسىزدىك مەملەكەتتىك كوميتەتى (ۇقكب) باسقارماسىنىڭ بۇرىنعى باسشىسى ەلدار جاكىپبەكوۆتىڭ جاقىن سەرىگى، "ۆازەلين" لاقاپ اتىمەن تانىمال تۇلعا ۇستالدى. بۇل تۋرالى جەرگىلىكتى باق-قا سىلتەمە جاساپ 24.kg حابارلادى.
قىرعىزستان ىشكى ىستەر مينيسترلىگىنىڭ باس باسقارماسىنىڭ قىزمەتكەرلەرى ءچۇي وبلىسى بويىنشا ۇقكب تەرگەۋشىسىن ۇستاعان. ونىڭ ءاتى-جونى – ۇلان. ول ەلدار جاكىپبەكوۆتىڭ سەنىمدى سەرىگى سانالعان.
ۇستالعان تۇلعانىڭ نە ءۇشىن كۇدىككە ىلىككەنى ازىرگە ناقتىلانباعان. الايدا، بۇل جاعداي قىرعىزستانداعى سوڭعى ۋاقىتتاعى ءىرى كادرلىق وزگەرىستەر مەن ساياسي تارتىستار اياسىندا ورىن الىپ وتىر.
ەستەرىڭىزگە سالا كەتەيىك، بۇعان دەيىن، 15 اقپاندا بىشكەك قالاسى بويىنشا ۇقكب باس باسقارماسىنىڭ بۇرىنعى باستىعى ەلدار جاكىپبەكوۆ ۇستالىپ، ۋاقىتشا تەرگەۋ يزولياتورىنا قامالعان بولاتىن. ونىڭ ىسىمەن اسكەري پروكۋراتۋرا اينالىسۋدا.
بۇعان قوسا، سوڭعى اپتالاردا قىرعىزستاندا ءبىرقاتار جوعارى لاۋازىمدى تۇلعالار قىزمەتىنەن بوساتىلدى. سولاردىڭ قاتارىندا ۇلتتىق قاۋىپسىزدىك مەملەكەتتىك كوميتەتىنىڭ ءتوراعاسى قىزمەتىنەن بوساتىلعان كامچىبەك تاشييەۆ تە بار. ونىڭ جاقىن اينالاسىنداعىلار پرەزيدەنت سايلاۋىن قايتا وتكىزۋگە ىقپال ەتۋگە تىرىسقانى تۋرالى اقپارات تاراعان.
-
قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ مينيسترلىگى 2030 جىلعا دەيىنگى كەزەڭگە ارنالعان زەينەتاقى تولەمدەرىنىڭ بولجامدى مولشەرىن جاريالادى. مينيمالدى زەينەتاقى مەن بازالىق زەينەتاقى تولەمدەرىنىڭ ءوسۋى قانداي بولادى؟
-
قازاقستاندىق "كۋرسيۆ" باسىلىمى Freedom Holding كومپانياسى مەن ونىڭ نەگىزىن قالاۋشى تيمۋر تۇرلوۆقا قارسى 7 جىل بويى جۇرگىزىلىپ جاتقان اقپاراتتىق شابۋىلدىڭ اۋقىمى مەن شىعىنىن تالدادى. شابۋىلدىڭ جالپى قۇنى 20 ميلليون دوللاردان اسۋى مۇمكىن.
