Photo: Camargo Anthony (https://www.pexels.com/@seventov) / Pexels
«قىسىمعا قاراماستان»: شايدوروۆ وليمپيادادا ديماش ءانىن نەگە تاڭداعانىن ايتتى
قازاقستاندىق مانەرلەپ سىرعاناۋشى ميحايل شايدوروۆ 2026 جىلعى يتاليادا وتكەن قىسقى وليمپيادا ويىندارىندا التىن مەدال يەلەنگەننەن كەيىن، ديماش قۇدايبەرگەننىڭ بەينەقۇتتىقتاۋىنا قاتىستى پىكىرىن ءبىلدىردى. بۇل تۋرالى «24KZ» تەلەارناسىنداعى ەكسكليۋزيۆتى سۇحباتىندا ايتىلدى.
سپورتشى ديماش قۇدايبەرگەننىڭ قۇتتىقتاۋىنا جانە ونىڭ مۋزىكاسىنا العىسىن ءبىلدىردى. «ديماشقا تەك قۇتتىقتاعانى جانە جاسايتىن مۋزىكاسى ءۇشىن شەكسىز ريزامىن. بۇل – ەرەكشە ماقتانىش»، - دەدى شايدوروۆ.
مانەرلەپ سىرعاناۋشى بىرنەشە جىل بۇرىن ديماشتىڭ ءانىن ەستىگەندە، وليمپيادا ويىندارىندا سول انمەن ونەر كورسەتۋدى ارمانداعانىن مويىندادى. «مەن ءتىپتى ديماشتىڭ انىمەن وليمپيادا التىنىن الاتىنىمدى ەلەستەتە المادىم. ءبىراق مەن ءۇشىن وسى ءاندى تاڭداۋ ۇلكەن ماقسات بولدى. شامامەن 5-6 جىل بۇرىن ونىڭ ءانىن ەستىپ، ميلانداعى وليمپياداعا باراتىنىمدى جانە ءدال وسى انمەن ونەر كورسەتەتىنىمدى ءبىلدىم»، - دەپ ءبولىستى شايدوروۆ.
ونىڭ ايتۋىنشا، بۇكىل ماۋسىم بويى، اسىرەسە وليمپياداعا ارنالعان باعدارلاماداعى مۋزىكا تاڭداۋىنا قاتىستى قىسىم بولعان. «مەن وعان ءمان بەرمەۋگە تىرىستىم، سەبەبى مەن تەك وسى مۋزىكامەن ونەر كورسەتكىم كەلدى. مەن ءۇشىن ەڭ باستىسى وسى ەدى»، - دەپ اتاپ ءوتتى وليمپيادا چەمپيونى.
بۇعان دەيىن الەمگە تانىمال قازاقستاندىق ءانشى ديماش قۇدايبەرگەن مانەرلەپ سىرعاناۋشى ميحايل شايدوروۆتى وليمپيادا التىنىمەن قۇتتىقتاپ، وعان اۆتوموبيل سىيلاۋعا ۋادە بەرگەن بولاتىن.
-
ۆيدەو س ۋچاستيەم ۆسەميرنو يزۆەستنوگو كازاحستانسكوگو پيەۆسا ديماشا كۋدايبەرگەنا ي كىرگىزسكوي وپەرنوي پيەۆيسى نۋر چولپون نابيراەت پوپۋليارنوست ۆ سەتي.
-
Kazakh figure skater Mikhail Shaidorov reveals his long-held dream to perform to Dimash Kudaibergen's music at the Olympics and the pressure he faced.
