Photo: Engin Akyurt (https://www.pexels.com/@enginakyurt) / Pexels
جۇڭگو قازاقستاندى جاڭا كونستيتۋسيا رەفەرەندۋمىن وتكىزۋمەن قۇتتىقتادى
جۇڭگو سىرتقى ىستەر مينيسترلىگى قازاقستان رەسپۋبليكاسىنىڭ جاڭا كونستيتۋسياسى بويىنشا وتكىزىلگەن رەسپۋبليكالىق رەفەرەندۋممەن قازاقستاندى قۇتتىقتادى.
بۇل تۋرالى Infohub.kz اقپارات اگەنتتىگى حابارلايدى.
قىتايدىڭ Global Times باسىلىمىنىڭ حابارلاۋىنشا، قحر سىرتقى ىستەر مينيسترلىگىنىڭ رەسمي وكىلى لين سزيان 16 ناۋرىزدا وتكەن بريفينگتە وسىنداي مالىمدەمە جاسادى. بريفينگ بارىسىندا جۇڭگو ورتالىق تەلەارناسىنىڭ ءجۋرناليسى 15 ناۋرىزدا قازاقستاندا وتكەن جالپىۇلتتىق رەفەرەندۋمعا جۇڭگو تاراپىنىڭ باعاسىن سۇرادى.
لين سزيان قازاقستاننىڭ داۋىس بەرۋدى ءساتتى وتكىزگەنىن اتاپ ءوتىپ، جۇڭگو تاراپىنىڭ بۇل جاڭالىققا قاتىستى قۇتتىقتاۋىن جەتكىزدى. ونىڭ ايتۋىنشا، جۇڭگو دوس كورشى جانە جان-جاقتى ستراتەگيالىق سەرىكتەس رەتىندە قازاقستاننىڭ ۇزاق مەرزىمدى تۇراقتىلىعى مەن قوعامدىق وركەندەۋىن كورىپ قۋانىشتى.
سونداي-اق، ول بەيجىڭنىڭ پرەزيدەنت قاسىم-جومارت توقايەۆتىڭ باسشىلىعىمەن ەل مەملەكەت قۇرىلىسىندا جاڭا ماڭىزدى جەتىستىكتەرگە جەتەتىنىنە جانە «ادىلەتتى قازاقستان» قۇرۋ ماقساتىنىڭ تابىستى جۇزەگە اساتىنىنا سەنىمدى ەكەنىن باسا ايتتى.
قحر ءسىم وكىلى قىتايدىڭ ەكىجاقتى قارىم-قاتىناستاردى دامىتۋعا ۇلكەن ءمان بەرەتىنىن جانە قازاقستانمەن بىرلەسىپ ءوزارا ءتيىمدى ىنتىماقتاستىقتى نىعايتىپ، قازاقستان-قىتاي سەرىكتەستىگىن جاڭا دەڭگەيگە شىعارۋعا دايىن ەكەنىن قوستى.
-
قاسىم-جومارت توقايەۆ ەلدىڭ الەۋمەتتىك-ەكونوميكالىق دامۋىنا، زاڭ مەن ءتارتىپتى نىعايتۋعا قوسقان ەلەۋلى ۇلەسى ءۇشىن ءبىر توپ ازاماتقا مەملەكەتتىك ناگرادالار تابىستادى.
-
ەلىمىزدەگى سالىق جۇيەسىندەگى سوڭعى ساتسىزدىكتەر كاسىپكەرلەردى الاڭداتۋدا. مەملەكەتتىك ورگاندار ماسەلەنى شەشۋگە ۋادە بەردى.
