InfoHub Logo

قىزىلوردا قالاسىندا اۆتوكولىك يەلەرى تەحوسموتردان ءوتۋ ءۇشىن ۇزاق كەزەككە تۇرۋعا ءماجبۇر. تۇرعىنداردىڭ ايتۋىنشا، قالادا تەحوسموتر جۇرگىزەتىن ورتالىقتاردىڭ سانى كۇرت ازايىپ، تەك ەكى ورىن عانا جۇمىس ىستەپ تۇر. بۇل جاعداي اۆتوكولىك يەلەرىنىڭ نارازىلىعىن تۋدىرۋدا.

بۇل تۋرالى Infohub.kz اقپارات اگەنتتىگى حابارلايدى.

كولىك يەلەرىنىڭ ايتۋىنشا، قازىرگى ۋاقىتتا تەك ەكى جەردە عانا تەحوسموتردان وتۋگە بولادى: ءبىرى – ارنايى حقكو-دا، ەكىنشىسى – جەلتوقسان كوشەسىندە ورنالاسقان. كەزەككە تۇرۋ تاڭعى ساعات 5-تەن باستالادى. كۇنىنە ەڭ كوپ دەگەندە 40-50 كولىك قابىلدانادى. بۇل كەزەكتەردە جەڭىل جانە جۇك كولىكتەرىنىڭ يەلەرى دە بار.

جۇرگىزۋشىلەر نەگە شاعىمدانادى؟

جۇرگىزۋشىلەردىڭ ايتۋىنشا، تەحوسمورتى جوق كولىكتەردى انىقتايتىن كامەرالاردىڭ بەلسەندى جۇمىس ىستەي باستاۋى جاعدايدى ودان ءارى قيىنداتىپ وتىر. بۇل جاعداي تەحوسموتردان ۋاقىتىلى وتپەگەندەرگە ايىپپۇل سالىنۋ ءقاۋپىن ارتتىرادى.

رەسمي جاۋاپ

بۇل ماسەلەگە قاتىستى قىزىلوردا وبلىستىق كولىك ينسپەكسياسىنان تۇسىنىكتەمە الدىق. ينسپەكسيا وكىلدەرىنىڭ ايتۋىنشا، تەحوسموتر پۋنكتتەرىنىڭ تاپشىلىعى جوق. وڭىردە بۇگىنگى تاڭدا تەحوسموتر وپەراتورلارىنا 9 رۇقسات بەرىلگەن. ونىڭ 8ء-ى جۇمىس ىستەپ تۇر: قىزىلوردادا – 7 ستاسيونارلىق جانە 1 جىلجىمالى ورتالىق، ال قازالى اۋدانىندا تاعى ءبىر جىلجىمالى پۋنكت قىزمەت كورسەتەدى.

ورتالىقتاردىڭ جۇمىسىن توقتاتۋ سەبەبى

ۆەدومستۆو بارلىق ورتالىقتاردىڭ دەمالىسسىز جانە تاۋلىك بويى جۇمىس ىستەيتىنىن، كولىكتەر اعىنىنىڭ تەڭ بولىنگەنىن مالىمدەدى. الايدا، سوڭعى ۋاقىتتا وزگەرىستەر بولعانى راس. ينسپەكسيانىڭ تۇسىندىرۋىنشە، وتكەن جىلدان باستاپ تەحوسموتر وپەراتورلارىنا قويىلاتىن تالاپتار قاتايتىلعان. بۇرىن تەك حابارلاما ءتارتىبى بولسا، ەندى رۇقسات الۋ جانە تالاپتارعا سايكەستىگىن راستاۋ قاجەت. 1 ناۋرىزدان باستاپ بۇل راسىمنەن وتپەگەن ستانسيالار ءبىرىڭعاي اقپاراتتىق جۇيەدەن اجىراتىلدى. ياعني، ولار ەندى تەحوسموتر جۇرگىزە المايدى. بۇل جاعداي ءبىر مەزگىلدە بىرنەشە پۋنكتتىڭ جۇمىسىن توقتاتۋىنا سەبەپ بولعان.