InfoHub Logo

ءانشى قايرات نۇرتاس پەن ونىڭ قىزى الاۋدىڭ امانداسۋ ءساتى جەلىدە قىزۋ پىكىرتالاس تۋدىردى. اكە مەن قىزدىڭ اراسىنداعى بۇل ارەكەتتىڭ دۇرىستىعىن كوپشىلىك ساراپقا سالدى.

بۇل تۋرالى Infohub.kz اقپارات اگەنتتىگى حابارلايدى.

اكە مەن قىز اراسىنداعى شەكارا

الەۋمەتتىك جەلىدەگى Threads پلاتفورماسىندا ءبىر قولدانۋشى: "اكە مەن قىز اراسىنداعى ماحابباتتى تۇسىنەمىن. ءبىراق ەرىننەن ءسۇيىپ امانداسۋ قانشالىقتى دۇرىس؟" دەگەن ساۋال تاستادى. بۇل سۇراق كوپشىلىكتىڭ نازارىن اۋدارىپ، پىكىرلەر ەكىگە جارىلدى.

قولداۋشىلار مەن سىنشىلار

ءبىر توپ جەلى قولدانۋشىلارى بۇل ارەكەتتى جات ساناپ، "نورما ەمەس، ۋجاس"، "ەرىن تۇگىل پاپامىزدى جىلىنا ءبىر رەت قۇشاقتايمىز"، "اكەڭمەن ەرىن ارقىلى ءسۇيىسۋ سۇمدىق قوي" دەپ سىنعا الدى. ولاردىڭ پىكىرىنشە، بۇل ارەكەت ادەپسىزدىك.

ال ەكىنشى توپ بۇل جاعدايدى تۇسىنىستىكپەن قاراپ، "ءار وتباسىنىڭ ءوز ەرەجەسى بار"، "كىشكەنتايىنان ۇيرەنىپ قالعان شىعار، ءوز قىزى عوي"، "سۇيسە ءوز قىزى، قۋماي وتىرىڭدارشى" دەپ ءانشىنى جاقتادى. ولاردىڭ ويىنشا، بۇل – وتباسىلىق قارىم-قاتىناستىڭ جەكە ماسەلەسى.