InfoHub Logo

رامىزدەرى ەلىمنىڭ نەتكەن ءايبات، ادەمى!
بىلىمدىلىك ماقساتى: بالالاردىڭ قازاقستان رەسپۋبليكاسى مەملەكەتتىك رامىزدەرىنىڭ ماعىنالىق جانە كوركەمدىك – ەستەتيكالىق بولمىس، ءبىتىمى بارىسىنداعى تانىم - تۇسىنىكتەرىن كەڭەيتۋ؛
دامىتۋشىلىق ماقساتى: بالانىڭ اۋىزەكى سويلەۋ ءتىلىن دامىتىپ، وي – ءورىسىن كەڭەيتۋ، ءوز بەتىندىك جۇمىس جاساۋ داعدىسىن جەتىلدىرۋ؛
تاربيەلىك ماقساتى: ءوز ەلىنىڭ تاريحىن قۇرمەتتەۋگە، پاتريوتى بولۋعا تاربيەلەۋ. تۋعان جەرگە دەگەن سۇيىسپەنشىلىگىن ارتتىرۋ.
ساباقتىڭ ءتۇرى: ويىن - ساياحات ساباعى.
كورنەكىلىگى: ينتەراكتيۆتى تاقتا، ەل رامىزدەرى سۋرەتتەرى، جالاۋشالار، شارلار ت. ب.

ساباقتىڭ بارىسى:
I. ۇيىمداستىرۋ ءبولىمى.
بالالار دوڭگەلەنىپ تۇرادى. قولدان جاسالعان شاڭىراقتىڭ ۋىقتارىن ۇستاپ، ءار بالا اتى – ءجونىن ايتىپ، جاقسى تىلەكتەر تىلەيدى. مىسالى: ەلىمىز تىنىش بولسىن، باقىتتى بولايىق، اسپانىمىز اشىق بولسىن، بەرەكە بولسىن، بىرلىك بولسىن ت. ب.
قازاقستان رەسپۋبليكاسىنىڭ مەملەكەتتىك ءانۇرانى ورىندالادى.
- بالالار، ءبىزدىڭ بۇگىنگى ساباعىمىز ساياحات ساباعى.
ءبىزدىڭ ەلوردامىز استانا قالاسىنا بارعىمىز كەلەدى. قازاقستاننىڭ ءاربىر قالالارىنان ءوتۋ ءۇشىن بىزگە ءتۇرلى تاپسىرمالار بەرىلگەن. سول تاپسىرمالاردى ورىنداۋ ارقىلى ءبىر قالادان ەكىنشى قالاعا ءوتۋ مۇمكىندىگىمىز بار. ءبىز ءقازىر اقتاۋ قالاسىندا تۇرمىز. بۇل قالادان ءوتۋ ءۇشىن ءبىز ەلەكتروندى تاقتاداعى ۇياشىقتاردى تاڭداپ بەرىلگەن سۇراقتارعا جاۋاپ بەرۋىمىز كەرەك.
(ينتەراكتيۆتى تاقتادان ساندى ۇياشىقتار كورسەتىلەدى)

10. قازاقستان رەسپۋبليكاسىنىڭ مەملەكەتتىك رامىزدەرى قالاي اتالادى؟
20. قازاقستان رەسپۋبليكاسى تۋرالى نە بىلەسىڭ؟
30. قازاقستان رەسپۋبليكاسىنىڭ مەملەكەتتىك تۋى تۋرالى نە بىلەسىڭ؟
40. قازاقستان رەسپۋبليكاسىنىڭ مەملەكەتتىك ءانۇرانى تۋرالى نە بىلەسىڭ؟
50. بۋىن تۇرلەرىن اتا؟
60. مەملەكەتتىك ءتىل تۋرالى ءوز ويىڭدا ايت.
70. دىبىستار نەشەگە بولىنەدى؟
80. تۋعان جەرىڭ تۋرالى اڭگىمەلە.
90. تۋعان جەر، وتان تۋرالى قانداي ماقالدار بىلەسىڭ؟

تىڭدالىم
(ينتەراكتيۆتى تاقتادان ەلتاڭبانىڭ سۋرەتى كورسەتىلەدى)
قازاقستان رەسپۋبليكاسىنىڭ ەلتاڭباسىندا كوگىلدىر ءتۇس اياسىندا شاڭىراق بەينەلەنگەن. شاڭىراقتى اينالا كۇن ساۋلەسىندەي تاراپ ۋىقتار شاشىلعان. ونى اڭىزدارداعى قاناتتى پىراقتار كومكەرىپ تۇر. ەلتاڭبانىڭ تومەنگى جاعىندا «قازاقستان» دەگەن جازۋ بار.
شاڭىراق – وتباسىنىڭ، بۇكىل ادامزات ۇياسىنىڭ نىشانى. ول قازاق حالقى ءۇشىن ايىرىقشا قاستەرلى ۇعىم.
كيىز ءۇي – كوشپەندىلەر مادەنيەتىنىڭ سىيى.
ال ءمۇيىزدى التىن قاناتتى قوس پىراق – كيەلى شاڭىراقتى قوس قاپتالىنان وراپ، پالە – جالا، ءقاۋىپ – قاتەردەن قىزعىشتاي قورىپ تۇرعانداي اسەر قالدىرادى.
جۇلدىز – بارلىق بەس قۇرلىق مەملەكەتتەرىمەن، حالىقتارىمەن اشىق قارىم – قاتىناس جاساۋعا دەگەن ۇمتىلىستىڭ بەلگىسى.

تىڭدالىم، ايتىلىم، جازىلىم.
بالالار، ءبىز اقتوبە قالاسىنا كەلىپ قالىپپىز. بۇل قالادان ءوتۋ ءۇشىن ءبىز جاڭا سوزدەردى قايتالاپ، داپتەرىمىزگە جازىپ، سويلەمدەر قۇراۋىمىز كەرەك.
ا) جاڭا سوزدەردىڭ ايتىلۋىن مەڭگەرتۋ ءۇشىن تىزبەكتەي جانە جەكەلەي وقىتىپ شىعۋ. قازاق ءتىلىنىڭ ءتول دىبىستارىنىڭ ايتىلۋىنا، ينتوناسياسىنا باسا نازار اۋدارتۋ.
ءا) جاڭا سوزدەردىڭ دۇرىس جازىلۋىن قاداعالاي وتىرىپ، داپتەرلەرىنە كوشىرتىپ جازدىرۋ.

ماتىنمەن جۇمىس.
بالالار، ءبىز اتىراۋ قالاسىنا جەتىپ قالىپپىز. بۇل قالادان ءوتۋ ءۇشىن مىنا تاپسىرمالاردى ورىنداۋىمىز قاجەت.
ءماتىندى وقۋ، سۇراقتارعا جاۋاپ بەرۋ. ءتيىستى جالعاۋلارىن دۇرىس ايتقىزۋ.
ق. ر مەملەكەتتىك تۋى (- نىڭ، - ءنىڭ) ورتاسىندا ارايلى كۇن، كۇننىڭ تومەنگى جاعىندا قالىقتاعان قىران قۇس بەينەلەنگەن. تۋ (- دىڭ،- ءدىڭ) اعاش سابىنا بەكىتىلگەن تۇستا قازاقتىڭ ۇلتتىق ويۋلارىمەن كەستەلەنگەن تىك جولاق ورنەكتەلگەن. تۋ (- دىڭ،- ءدىڭ) ەنى ۇزىندىعىنىڭ جارتىسىنا تەڭ، ءتۇسى اسپان تۇستەس - كوگىلدىر. ق. ر مەملەكەتتىك تۋى (- نىڭ،- ءنىڭ) اۆتورى – سۋرەتشى شاكەن نيازبەكوۆ.