f.azh.kz
رانو نيگمەتوۆانىڭ ءىسى كاسساسيالىق سوتتا قارالادى
اتىراۋلىق رانو نيگمەتوۆانىڭ ءىسى بويىنشا سوت شەشىمىنە قاتىستى شاعىم كاسساسيالىق سوتقا جەتتى. قورعاۋشىلار بۇرىنعى ۇكىمنىڭ نەگىزسىز ەكەنىن العا تارتادى.
بۇل تۋرالى Infohub.kz اقپارات اگەنتتىگى حابارلايدى.
سوت وتىرىسى
ايىپتالۋشىنىڭ ادۆوكاتتارى رۋستام احمەدياروۆ پەن نۇرجان سارسەمبايەۆتىڭ ايتۋىنشا، سوت وتىرىسى 3 ناۋرىزدا استانادا وتەدى. ولاردىڭ پىكىرىنشە، بۇرىن شىعارىلعان سوت اكتىلەرىندە قورعالۋشىنىڭ كىناسىن دالەلدەيتىن جەتكىلىكتى ايعاقتار جوق.
«ءبىزدىڭ ۇستانىمىمىز بويىنشا، بۇل ىستە ايىپتالۋشىنىڭ كىناسىن دالەلدەيتىن ەشقانداي ايعاق جوق. ادامنىڭ كىناسى تولىق دالەلدەنبەي سوتتالعانىنا سەنەمىز»، – دەدى ادۆوكاتتار.
ءىستىڭ ءمان-جايى
رانو نيگمەتوۆا بۇعان دەيىن اسا ءىرى كولەمدەگى الاياقتىق ءۇشىن 6 جىل 6 اي باس بوستاندىعىنان ايىرىلعان بولاتىن. تەرگەۋ نۇسقاسى بويىنشا، 2024 جىلدىڭ ءناۋرىز-ساۋىر ايلارىندا نيگمەتوۆا قۇربىسىمەن بىرگە تانىسىن سەندىرىپ، 33 ميلليون تەڭگەدەن استام اقشانى ينۆەستيسيالىق باعدارلاما ارقىلى اۋدارتقان. الايدا، ۋادە ەتىلگەن پايدانى ول الا الماعان. سوت ماتەريالدارىندا كورسەتىلگەندەي، ايەلدەر بىرنەشە ميلليون تەڭگەگە گۇلدەرگە تاپسىرىس بەرىپ، ونى تولەمەگەن. كەيىن بۇل گۇل شوقتارىن Instagram-دا سىيلىق رەتىندە العانداي كورسەتىپ، اۋديتوريانىڭ سەنىمىن ارتتىرۋعا جانە كونتەنت جاساۋعا پايدالانعان.
اپەللياسيالىق ساتى
قورعاۋشىلاردىڭ ايتۋىنشا، اپەللياسيالىق ساتى شاعىمدى قاراۋ كەزىندە قورعاۋ تاراپىنىڭ ۋاجدەرى مەن ءبىرىنشى ساتى سوتىنىڭ قورىتىندىلارىنا ءتيىستى قۇقىقتىق باعا بەرمەگەن.
كاسساسيالىق قاراۋ اياسىندا سوت بۇرىن شىعارىلعان سوت شەشىمدەرىنىڭ زاڭدىلىعى مەن نەگىزدىلىگىن تەكسەرەدى. سوت وتىرىسىنىڭ قورىتىندىسى بويىنشا، سوت اكتىلەرى وزگەرىسسىز قالدىرىلۋى نەمەسە قايتا قارالۋى مۇمكىن.
-
الماتى حالىقارالىق اۋەجايىندا وليمپيادا چەمپيونى ميحايل شايدوروۆتى سالتاناتتى تۇردە قارسى الدى.
-
Atyrau resident Rano Nigmetova's fraud conviction is under review at the cassation court، with her defense team arguing the previous verdict lacked sufficient evidence.
