رەكتورلار سايلاۋىنا كەز كەلگەن ادام قاتىسا الادى
بۇگىن استانادا رەسپۋبليكالىق جاستار فورۋمىنىڭ ءبىلىم بەرۋ سالاسىنا ارنالعان پىكىرتالاس الاڭىندا ءبىلىم جانە عىلىم ۆيسە-مينيسترى ەلميرا سۋxانبەردييەۆا رەكتورلار سايلاۋى تۋرالى ايتىپ بەردى.
«ماسەلەن، كەشە قاراعاندى قالاسىندا باقىلاۋشى كەڭەسىنىڭ وتىرىسى ءوتتى. وسى ۋاقىتقا دەيىن بىزدە رەكتورلاردىڭ بەس سايلاۋى بولدى. سول كەزدە ۇمىتكەرلەردىڭ كانديداتۋرالارىن جوعارى وقۋ ورنىنىڭ جانىنداعى باقىلاۋشى كەڭەستەر قارادى. اتالعان كەڭەس كەم دەگەندە ەكى-ۇش ۇمىتكەردى ۇسىنۋى قاجەت. ولاردى قۇپيا داۋىس بەرۋ ارقىلى تاڭدايدى. سوسىن بارلىق قۇجاتتار رەسپۋبليكالىق كوميسسيانىڭ قاراۋىنا جىبەرىلەدى»، - دەيدى ە.سۋxانبەردييەۆا.
ۆيسە-مينيستردىڭ ايتۋىنشا، رەسپۋبليكالىق كوميسسيانىڭ وتىرىستارى استانادا ءوتىپ تۇرادى. ۇمىتكەر ءوزى باسقارعىسى كەلەتىن جوعارى وقۋ ورنىن دامىتۋ باعدارلاماسىن تانىستىرىپ، بىرنەشە سۇراققا جاۋاپ بەرۋى ءتيىس. وسىدان كەيىن پرەمەر-مينيستردىڭ ورىنباسارى يمانعالي تاسماعامبەتوۆتىڭ توراعالىعىمەن رەسپۋبليكالىق كوميسسيا ءوز شەشىمىن شىعارادى.
«سوندىقتان وسى جەردە وتىرعان كەز كەلگەن ادام رەكتورلىق ءۇشىن تالاسا الادى. ارينە، ول ءۇشىن عىلىمي دارەجە كەرەك. سوسىن جوعارى وقۋ ورنىن دامىتۋدىڭ ستراتەگيالىق باعدارلاماسىن دۇرىس ءارى كاسىبي تۇردە قورعاي ءبىلۋ كەرەك. ول جەردە بۇگىنگى عىلىمي-تەxنولوگيالىق جاڭالىقتار دا كورىنىس تابۋى شارت. ءبىز سوعان باسا نازار اۋدارامىز»، - دەيدى ە.سۋxانبەردييەۆا.
You Might Also Like
-
قازاقستاندىق 4-سىنىپ وقۋشىلارى ماتەماتيكادان جەتىنشى جانە جاراتىلىستانۋ عىلىمدارىنان سەگىزىنشى ورىندى يەلەندى.
-
قازاقستاندا سوڭعى 5 جىل ىشىندە جاس عالىمدار سانى 60 پايىزعا ارتتى. بۇل تۋرالى بۇگىن رەسپۋبليكالىق جاستار فورۋمىندا ەلباسى نۇرسۇلتان نازاربايەۆ ايتتى.
