Photo: Ayazhan (https://www.pexels.com/@ayazhan-3173683) / Pexels
رەسەي ورتالىق ازيا ەلدەرىنە سىرتقى اسكەري ىقپالعا جول بەرمەيتىنىن مالىمدەدى
رەسەي قورعانىس ءمينيسترى اندرەي بەلوۋسوۆ ورتالىق ازيادا وزگە مەملەكەتتەردىڭ اسكەري قاتىناس ورناتۋىنا جول بەرىلمەۋى ءتيىس ەكەنىن مالىمدەدى. بۇل تۋرالى ول بىشكەكتە وتكەن شانحاي ىنتىماقتاستىق ۇيىمىنا مۇشە ەلدەردىڭ اسكەري ۆەدومستۆو باسشىلارىنىڭ كەزدەسۋىندە ايتتى.
بۇل تۋرالى Infohub.kz اقپارات اگەنتتىگى حابارلايدى.
رەسەيدىڭ الاڭداۋشىلىعى
«ورتالىق ازيادا وڭىردەن تىس مەملەكەتتەردىڭ اسكەري قاتىناس ورناتۋعا جانە لوگيستيكالىق مىندەتتەردى جۇزەگە اسىرۋعا ۇمتىلۋىن مۇقيات قاداعالاپ وتىرمىز. مۇنى ءبىز جول بەرۋگە بولمايتىن ارەكەت دەپ سانايمىز»، — دەدى اندرەي بەلوۋسوۆ 28 ساۋىردە وتكەن كەزدەسۋدە.
وزبەكستان مەن تۇركيانىڭ اسكەري ىنتىماقتاستىعى
رەسەي قورعانىس ءمينيسترىنىڭ بۇل مالىمدەمەسى وزبەكستاننىڭ تۇركيامەن اسكەري ىنتىماقتاستىقتى دامىتۋعا قاتىستى اقپارات شىققاننان كەيىن جاسالدى. 23 ساۋىردە وزبەكستان پرەزيدەنتى شاۆكات ميرزيويەۆ قورعانىس ءمينيسترى باحودير حولمۋحامەدوۆتىڭ تۇركيامەن اسكەري ىنتىماقتاستىقتى دامىتۋ باعىتتارى تۋرالى بايانداماسىن تىڭداعان بولاتىن. بۇل كەزدەسۋگە تۇركيا قارۋلى كۇشتەرىنىڭ جوعارى لاۋازىمدى وكىلى دە قاتىستى.
وزبەكستان پرەزيدەنتىنىڭ باسپا ءسوز قىزمەتى تاراتقان اقپاراتقا سايكەس، كەزدەسۋدە اسكەري-تەحنيكالىق ىنتىماقتاستىقتىڭ قارقىنى ەرەكشە اتاپ ءوتىلدى. بۇل ۆەدومستۆوارالىق بايلانىستاردى كەڭەيتۋ، بىرلەسكەن ءىس-شارالاردى ۇيىمداستىرۋ جانە اسكەري مامانداردى دايارلاۋ باعىتتارىن قامتىدى. سونداي-اق اسكەري سالاداعى سەرىكتەستىكتى ودان ءارى تەرەڭدەتۋگە دەگەن ۋاعدالاستىق ناقتىلاندى.
-
قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ شوبەرەسى لورا الييەۆا TikTok الەۋمەتتىك جەلىسىندە كونتەنت جاريالاي باستادى. ول اكەسى جاعىنان اتاسى مەن اعاسىن ەسكە الدى.
-
Russia's Defense Minister Andrei Belousov stated that external military engagement in Central Asia will not be permitted، citing recent developments.
