InfoHub Logo

رەسەي تاياۋ شىعىستاعى داعدارىسقا بايلانىستى ەۋرازيالىق ەكونوميكالىق وداق (ەاەو) جانە بريكس ەلدەرىنىڭ ازىق-تۇلىك قورلارىن بىرىكتىرۋدى ۇسىنىپ وتىر. بۇل تۋرالى Ulysmedia.kz حابارلادى.

بۇل تۋرالى Infohub.kz اقپارات اگەنتتىگى حابارلايدى.

رەسەيدىڭ ۇسىنىسى

رەسەي قاۋىپسىزدىك كەڭەسى ءتوراعاسىنىڭ ورىنباسارى الەكساندر ماسلەننيكوۆتىڭ ايتۋىنشا، تاياۋ شىعىستاعى جاعداي مەن «دەسترۋكتيۆتى سىرتقى كۇشتەر» رەسەيدىڭ ازىق-تۇلىك قاۋىپسىزدىگىنە قاتەر توندىرەدى. اسىرەسە، الەمدىك ەكسپورتتىڭ شامامەن ۇشتەن ءبىرى وتەتىن ورمۋز بۇعازى ارقىلى تىڭايتقىشتار جەتكىزۋدەگى ۇزىلىستەر ماسەلە تۋدىرۋدا.

ماسكەۋ بۇل پروبلەمانى كورشىلەرى مەن «دوس ەلدەردىڭ» ەسەبىنەن شەشۋدى كوزدەيدى. ەاەو ەلدەرى، سونىڭ ىشىندە قازاقستانمەن بىرلەسكەن ازىق-تۇلىك قورلارىن قۇرۋ ارقىلى ىنتىماقتاستىقتى ارتتىرۋ ۇسىنىلدى.

«ازىق-تۇلىك قاۋىپسىزدىگىن قامتاماسىز ەتۋ ماقساتىندا دوس ەلدەرمەن (ەڭ الدىمەن ەاەو، بريكس مۇشەلەرى) ىنتىماقتاستىقتى، سونىڭ ىشىندە بىرلەسكەن ازىق-تۇلىك قورلارىن قۇرۋ ارقىلى ارتتىرۋ وتە وزەكتى بولىپ سانالادى»، - دەدى ماسلەننيكوۆ.

ول سونداي-اق، ەگەر تىڭايتقىشتار جەتكىزۋدەگى ۇزىلىستەر جازدىڭ باسىنا دەيىن جالعاسسا، الەم بويىنشا ماڭىزدى استىق داقىلدارىنىڭ ءونىمى ەكى ەسە ازايۋى مۇمكىن ەكەنىن ەسكەرتتى. بۇل سوڭعى جىلدارداعى ينفلياسيانىڭ ەڭ كۇرت وسۋىنە جانە اشارشىلىققا ۇشىرايتىندار سانىنىڭ 673 ميلليون ادامعا جەتۋىنە اكەپ سوعادى.

ماسەلەنىڭ ءمان-جايى

قازاقستان ەاەو قۇرامىنا ارمەنيا، بەلارۋس، قىرعىزستان جانە رەسەيمەن بىرگە كىرەدى. رەسەي سياقتى قازاقستان دا استىق ەكسپورتىن بەلسەندى جۇرگىزەدى. بريكس ەلدەرى اراسىندا مىسىر رەسەيلىك بيدايدىڭ ەڭ ءىرى يمپورتتاۋشىسى بولىپ تابىلادى. جۇڭگو مەن ءۇندىستان دا رەسەيدەن ازىق-تۇلىك ساتىپ الادى. ءوز كەزەگىندە قازاقستان تاياۋ شىعىس ەلدەرىنە (اسىرەسە باا-گە) ازىق-تۇلىك جەتكىزىپ وتىرادى.

ناۋرىز ايىنىڭ سوڭىندا قازاقستان اۋىل شارۋاشىلىعى مينيسترلىگى رەسەيدەن بيداي مەن قارا بيدايدى قوسا العاندا، ءبىرقاتار استىق داقىلدارىن اكەلۋگە ۋاقىتشا تىيىم سالدى.