رەسەي ۋكرايناداعى 30 كۇندىك ۋاقىتشا بىتىمگە قاتىستى كەلىسسوزگە قول قويدى
اقش پەن رەسەي باسشىلارى ۋكرايناداعى سوعىستى ۋاقىتشا توقتاتۋ ماسەلەسىن تالقىلادى. كەشە دونالد ترامپ پەن ۆلاديمير پۋتين تەلەفون ارقىلى سويلەسىپ، قاقتىعىستى 30 كۇنگە توقتاتۋ مۇمكىندىگىن قاراستىردى. اڭگىمە بارىسىندا ماسكەۋ بەلگىلى ءبىر شارتتار ورىندالعان جاعدايدا شابۋىلداردى ۋاقىتشا دوعارۋعا كەلىسىم ءبىلدىردى.
كرەمل جاريالاعان مالىمەتكە سۇيەنسەك، رەسەي اتىستى توقتاتۋ كەزىندە ۋكرايناعا جاڭا اسكەري كومەك جەتكىزىلۋىنە جانە موبيليزاسيا جۇرگىزىلۋىنە قارسى. سونىمەن قاتار، كييەۆكە باتىستىق قارۋ-جاراق تاسىمالى توقتاتىلۋى ءتيىس. كەلىسسوزدەر اياسىندا ارنايى ساراپشىلار توبى قۇرىلاتىن بولدى.
ءبىتىمنىڭ العاشقى ناتيجەسى رەتىندە قوس تاراپ بۇگىن 175 تۇتقىنمەن الماسۋدى جوسپارلاپ وتىر. رەسەي تاراپى اۋىر جارالانعان 35 ۋكراين ساربازىن گۋمانيتارلىق قادام رەتىندە بوساتپاق. ەۋروپا ەلدەرى بۇل باستامانى وڭ باعالاسا، ۋكراينا پرەزيدەنتى ۆلاديمير زەلەنسكيي اتىستى توقتاتۋعا ۋاقىتشا كەلىسىم بەرگەنىمەن، اسكەري كومەك جالعاساتىنىنا سەنىمدى ەكەنىن جەتكىزدى.
«بۇل ءبىز ءۇشىن ادىلەتتى ءبىتىم ەمەس. باتىستىق ارىپتەستەرىمىزبەن تىعىز بايلانىستامىز، سوندىقتان ۋكرايناعا قارۋ-جاراق جەتكىزۋ جالعاسادى دەپ سەنەمىن»، – دەدى زەلەنسكيي.
You Might Also Like
-
اقش پەن ۋكراينا ساۋد ارابياسىندا كەلىسسوزدەر وتكىزبەك
-
قاڭتار ايىندا ءبىرىڭعاي جيناقتاۋشى زەينەتاقى قورىنىڭ (بجزق) ينۆەستيسيالىق كىرىسى ايتارلىقتاي تومەندەپ، بۇل قوعامدا ۇلكەن تالقى تۋدىردى. وزدەرىنىڭ زەينەتاقى شوتىنداعى وزگەرىستەردى بايقاپ، قارجىلىق جا...
