Photo: Ayazhan (https://www.pexels.com/@ayazhan-3173683) / Pexels
رەسەيدە جاپپاي توبەلەسدەن كەيىن قازاقستاندىقتار ۇستالدى
رەسەيدىڭ لەنينگراد وبلىسىنداعى ۋست-لۋگا پورتى ماڭىندا جاپپاي توبەلەس بولىپ، ونىڭ سالدارىنان ونداعان قازاقستاندىق ازامات ۇستالدى. بۇل تۋرالى Ulysmedia.kz حابارلادى.
وقيعا ورنىنان تۇسىرىلگەن ۆيدەو الەۋمەتتىك جەلىدە تاراپ كەتتى. ۆيدەودا جاستار توبىنىڭ ايتىسىپ، توبەلەسىپ جاتقانى كورىنەدى. كەيىننەن، كوك ءتۇستى اۆتوكولىك جوعارى جىلدامدىقپەن توپتىڭ ۇستىنە قاراي ۇمتىلىپ، ادامداردى تاراتۋعا كىرىسكەن. ءتىپتى، اتىس دىبىسى دا ەستىلەدى.
توبەلەس كەزىندە بىرنەشە ادامدى كۇشپەن كولىكتەرگە وتىرعىزىپ، الىپ كەتكەن. ۆيدەونى تۇسىرگەن ايەلدىڭ ايتۋىنشا، قازاقستاندىقتارعا ينتەرنەت پەن بايلانىس جوق، ولار ەلشىلىككە حابارلاسا الماي قينالعان.
ق ر ءسىم-نىڭ رەاكسياسى
قازاقستاننىڭ سانكت-پەتەربۋرگتەگى باس كونسۋلدىعى اتالعان وقيعا بويىنشا اقپاراتتى تەكسەرىپ جاتقانىن مالىمدەدى. الدىن الا دەرەكتەر بويىنشا، توبەلەس قاتىسۋشىلارى ءمان-جايدى انىقتاۋ ءۇشىن قۇقىق قورعاۋ ورگاندارىمەن ۇستالعان. رەسەيدىڭ ءتيىستى ورگاندارى مەن كومپانيا باسشىلىعىنا رەسمي ساۋالدار جولداندى.
ديپلوماتتار قازاقستاندىقتاردىڭ ناقتى سانى مەن ولاردىڭ قۇقىقتىق مارتەبەسىن انىقتاۋ ءۇشىن رەسەي ىشكى ىستەر مينيسترلىگىمەن بايلانىستا.
-
بۇل شارا «جەر ساعاتى» حالىقارالىق ەكولوگيالىق اكسياسى اياسىندا وتەدى. وعان ەلدەگى 508 نىسان قاتىسادى.
-
قازاقستاندىق دەپۋتات ايگۇل قۇسپان ۇجىمدىق قاۋىپسىزدىك تۋرالى شارت ۇيىمى (ۇقكۇ) پارلامەنتارالىق اسسامبلەياسىنىڭ ساياسي ماسەلەلەر جانە حالىقارالىق ىنتىماقتاستىق جونىندەگى تۇراقتى كوميسسياسىنىڭ ءتوراعاسى بولىپ سايلاندى.
