Photo: Ayazhan (https://www.pexels.com/@ayazhan-3173683) / Pexels
رەسەيلىك ءستيليستتىڭ قازاقستانداعى جۇمىسى ءۇشىن العان گونورارى تاڭ قالدىردى
رەسەيلىك ۆيزاجيست ءارى ستيليست روبەرت ميناسيان قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ كەنجە قىزى ءاليا نازاربايەۆامەن جۇمىس ىستەگەن كەزەڭىن ەسكە الىپ، سول قىزمەتى ءۇشىن العان قوماقتى گونورارى جايلى ايتتى.
بۇل تۋرالى Infohub.kz اقپارات اگەنتتىگى حابارلايدى.
ءستيليستتىڭ قازاقستانعا ساپارى
ميناسياننىڭ ايتۋىنشا، وقيعا شامامەن 2002 جىلدارى بولعان. ول ءاليا نازاربايەۆانىڭ تۋعان كۇنىنە دايىندىق جاساۋ ءۇشىن ارنايى الماتىعا شاقىرىلعان. ستيليست ماسكەۋدەن ۇشىپ كەلىپ، قازاقستاندا بىرنەشە كۇن بويى بولعان.
"بەس كۇندەي سول جەردە تۇردىم، ءبارى ەركىن ءارى جايلى ءوتتى. كۇن سايىن قىدىرىپ، دەمالدىق. ءبىر عانا ماكياج ءۇشىن ماعان شامامەن 10 مىڭ دوللار تولەدى"، – دەيدى ول.
ءاليا نازاربايەۆانىڭ تانىسى جانە قىمبات سومكە
ستيليست سونىمەن قاتار ءاليا نازاربايەۆانىڭ سۆەتلانا ەسىمدى قۇربىسىمەن تانىسقانىن دا ەسكە الدى. ونىڭ ايتۋىنشا، بۇل ايەل الماز بيزنەسىمەن اينالىسقان جانە كەزدەسۋگە قولتىراۋىن تەرىسىنەن تىگىلگەن Hermès Birkin سومكەسىمەن كەلگەن.
ميناسيان بۇل سومكەنى العاش رەت سول كەزدە كورگەنىن ايتىپ، ونىڭ باعاسى شامامەن 50 مىڭ دوللار بولعانىن اتاپ ءوتتى. ونىڭ سوزىنشە، سول كەزەڭدە Birkin سومكەسى سيرەك كەزدەسەتىن ءارى جوعارى مارتەبەنىڭ بەلگىسى سانالاتىن اكسەسسۋارلاردىڭ ءبىرى بولعان.
-
ماڭعىستاۋ وبلىسىنداعى شەتپە اۋىلىنىڭ تۇرعىنى قوعامدىق ورىنداردى لاستاعانى ءۇشىن 40 ساعاتتىق قوعامدىق جۇمىسقا تارتىلدى.
-
A renowned Russian makeup artist and stylist disclosed the substantial fee he received for preparing Aliya Nazarbayeva's birthday celebration in Kazakhstan.
