tengrinews.kz
ريددەردە 12 جاسار بالانىڭ ءولىمى: مەكتەپتەگى قىسىم سەبەپ بولدى ما؟
ريددەر قالاسىندا 12 جاسار ارتەم فومينىح ەسىمدى وقۋشىنىڭ ولىمىنە قاتىستى تەرگەۋ باستالدى. 6 مامىردا تابىتتى بولعان بالانى تۋىستارى مەكتەپتەگى قىسىم مەن قورقىتۋ سالدارىنان قايتىس بولدى دەپ وتىر.
بۇل تۋرالى Infohub.kz اقپارات اگەنتتىگى حابارلايدى.
وتباسىنىڭ ايتۋىنشا، بالا مەكتەپتە قىسىم كورگەن
ارتەم فومينىح 5 مامىر كۇنى تاڭەرتەڭ ۇيىنەن شىعىپ كەتكەن. ونىڭ وتباسى بالانىڭ مەكتەپتە ۇرىپ-سوعىلىپ، اقشا بوپسالانعانىن ايتادى. بۇل تۋرالى بىلگەن سوڭ، اتا-اناسى مەكتەپ باسشىلىعىنا شاعىمدانعان.
«ءبىراز ۋاقىت ءبارى تىنىش بولدى، ءبىراق كەيىن ارتەم مەكتەپكە بارۋدى قويا باستادى. مەكتەپتەن ءبىر ينسپەكتور كەلىپ، ارتەمدى ۇرىسا باستادى. ول بالانى «باۋىرلارىڭمەن بىرگە زاتتارىڭدى جيناپ، راس-قا بار» دەپ ايتتى. ارتەم جىلاپ، ۇيدەن قاشىپ كەتتى. تاڭەرتەڭ مەكتەپكە بارمادى. ال بۇگىن ءبىز ونى اسىلىپ تۇرعانىن كوردىك»، - دەيدى مارقۇمنىڭ وتباسى.
پوليسيا قىلمىستىق ءىس قوزعادى
شىعىس قازاقستان وبلىسىنىڭ ءبىلىم بەرۋ باسقارماسى بۇل جاعدايدى تەرگەپ جاتقانىن حابارلادى. قازىرگى ۋاقىتتا بۋللينگ فاكتىلەرى رەسمي تۇردە راستالماعان.
«قازىرگى ۋاقىتتا وقيعانىڭ ءمان-جايىن تولىق، وبەكتيۆتى جانە جان-جاقتى زەرتتەۋگە باعىتتالعان بارلىق قاجەتتى تەرگەۋ ارەكەتتەرى جۇرگىزىلۋدە. قازىرگى كەزەڭدە قازاقستان رەسپۋبليكاسى قىلمىستىق-پروسەستىك كودەكسىنىڭ 201-بابىنا سايكەس باسقا اقپارات جاريا ەتىلمەيدى»، - دەپ مالىمدەدى شقو پوليسيا دەپارتامەنتىنىڭ باسپا ءسوز قىزمەتى.
مارقۇمنىڭ تۋىستارى ونىڭ ولىمىنە كىنالىلەردى تابۋعا نيەتتى. ولار بالانىڭ ءوزى موينىنا ارقان بايلاپ، تەڭىز تۇيىنىمەن بايلاي الماعانىن ايتادى.
-
قىرىم-كونگو گەمورراگيالىق قىزباسىنان ادام قايتىس بولدى. ماماندار جانۋارلاردىڭ، اسىرەسە قويلاردىڭ كەنەلەردىڭ تاسىمالداۋشىسى بولاتىنىن ايتادى.
-
A 12-year-old boy's death in Ridder has prompted an investigation amid claims of severe bullying and extortion at his school.
