ساباقتان قاشقان وقۋشىلاردىڭ اتا-اناسى ايىپپۇل تولەيدى
ءبىر رەتتىك ايىپپۇل 7 ايلىق ەسەپتىك كورسەتكىش كولەمىندە. بۇل 15 مىڭ تەڭگەگە جۋىق قارجى. ال ساباقتان قاشۋ فاكتىلەرى قايتالانسا، اتا-انالارعا 42 مىڭ تەڭگەدەن استام اقشا تولەۋگە تۋرا كەلەدى.
الايدا كەيبىر اتا-انالار بۇل ايىپپۇلداردان دا قورقاتىن ەمەس. امالى تاۋسىلعان وسكەمەندىك ۇستازدار پوليسەيلەرمەن بىرگە «بالالاردى مەكتەپكە قايتارايىق» اتتى اكسيا ۇيىمداستىرىپ، ءۇي-ۇيدى ارالادى. ساباققا بارمايتىن بالالاردىڭ اتا-انالارى نەگىزىنەن ىشىمدىككە سالىنعاندار. ماسەلەن، ارينا تاراسوۆا بيىل 1 سىنىپقا بارۋى كەرەك بولعان. ءبىراق 1 قىركۇيەكتەن بەرى مەكتەپ تابالدىرىعىن اتتاماپتى. قىزىنىڭ قايدا ەكەنىنەن ماسكۇنەم اناسى دا بەيحابار.
«127ء-شى باپ بويىنشا اكىمشىلىك ايىپپۇل بەلگىلەنەدى. 60 ساعات بويى ساباقتى بوساتسا، اكىمشىلىك ايىپپۇل 7 اەك. جاعداي قايتالانسا، ەكىنشى ايىپپۇل 20 اەك كولەمىندە بولادى. ءقازىر ماتەريال جيناپ جاتىرمىز. كورشىلەرىنەن سۇرايمىز. ەگەر نەگىز بولسا، اتا-انا قۇقىعىنان ايىرامىز»، - دەيدى ەرنۇر راحيموۆ، وسكەمەن قالالىق ءىىب كامەلەتكە تولماعاندار ءىسى ينسپەكسياسىنىڭ ينسپەكتورى.
دەرەككوز. Astanatv.kz
You Might Also Like
-
ءال-فارابي اتىنداعى قازاق ۇلتتىق ۋنيۆەرسيتەتى حالىقارالىق رەيتينگتە كەزەكتى ساتىعا كوتەرىلىپ، ورتالىق ازيا ايماعى مەن قازاقستان جوعارى وقۋ ورىندارى اراسىندا العاشقى بولىپ الەمنىڭ 250 ۇزدىك ۋني...
-
جاڭا وقۋ جىلى تۇركىستاندىق مەكتەپتەردىڭ ءبىرى ءۇشىن توتەنشە جايتپەن باستالدى. 2 قىركۇيەك كۇنى جوعارعى سىنىپ وقۋشىلارى ءوزارا ەرەگىسىپ، مۇنىڭ سوڭى اتىسپەن اياقتالعان. بۇزاقىلاردىڭ اراسىندا مەكتەپتى بۇرى...
