InfoHub Logo

انا ءتىلى 4 سىنىپ
ساباقتىڭ تاقىرىبى: س. مۇقانوۆ جىلقى
ساباقتىڭ ماقساتى: وقۋشىلارعا جىلقى مالىنىڭ پايداسىن ۇعىندىرا وتىرىپ، ماتىنگە تالداۋ جاساۋ.
دامىتۋشىلىعى: جىلقى مالىنىڭ ەرەكشەلىگىن اڭعارتۋ، ۇلتتىق ويىندار تۋرالى تۇسىنىكتەرىن دامىتۋ.
تاربيەلىگى: ۇلتتىق سالت - ءداستۇردى قۇرمەتتەۋگە باۋلۋ.
ساباقتىڭ ءتۇرى: ارالاس ساباق
ساباقتىڭ ءادىس - تاسىلدەرى: اڭگىمەلەۋ، ءتۇسىندىرۋ، سۇراق - جاۋاپ، شىعارماشىلىق جۇمىس.
ساباقتىڭ كورنەكىلىگى؛ وقۋلىق، ءار ءبولىمنىڭ سۋرەتتەرى، كەستە، ءار توپتىڭ جۇمىسىن سارالاۋ بەتشەسى، ءۇنتاسپا، ينتەراكتيۆتى تاقتا.
ءپانارالىق بايلانىس: مۋزىكا، دۇنيەتانۋ.

ساباقتىڭ بارىسى:
ءى ۇيىمداستىرۋ ءبولىمى
وقۋشىلاردىڭ ساباققا دايىندىعىن تەكسەرۋ.
* وي دامىتۋ جۇمىسى:
كىمنىڭ ويى جۇيرىك؟
1. ءتورت تۇلىكتىڭ ىشىندەگى ەڭ ادەمىسى نە؟
2. باتىرلاردىڭ سەرىگى قالاي اتالادى؟
3. ەر قاناتى – ---------------------
4. قىمىز نەنىڭ سۇتىنەن دايىندالادى؟
بۇگىنگى ساباقتىڭ ءوتۋ بارىسىندا سىنىپتى ەكى توپقا ءبولۋ جانە ساباعىمىز دودا بولىمدەرىمەن وتەتىنىن حابارلاۋ.

ءىى جاڭا ساباق
1. وي دوداسى (وقۋشىلاردىڭ ويىن، تۇسىنىكتەرىن انىقتاۋ)
جىلقى نە ءۇشىن قاجەت؟
*جازۋشىمەن تانىسالىق
بۇگىنگى وتەتىن تاقىرىبىمىزدىڭ اۆتورى جازۋشى ءسابيت مۇقانوۆ. ءسابيت مۇقانوۆ 1900 جىلى سولتۇستىك قازاقستان وبلىسىندا، جامبىل اۋدانىندا تۋعان. قازاقتىڭ اسا كورنەكتى جازۋشىسى، قوعام قايراتكەرى. ونىڭ «ءومىر مەكتەبى»،»بوتاكوز»،»اق ايۋ»،»بالۋان شولاق» ت. ب. كوپتەگەن شىعارمالارى بار.
2. ماتىنمەن تانىسۋ، وقۋ، مازمۇنىن اڭگىمەلەۋ.

2. تانىمدىق دودا
اتپەن وينالاتىن ويىندار جانە سپورتتىڭ تۇرلەرىمەن تانىستىرۋ. ونىڭ ىشىندە قازىرگى كەزدە وينالىپ جۇرگەن ويىندار تۋرالى اڭگىمەلەۋ.
*قىزىق دەرەك
1870 جىلى سەمەي وبلىسىندا ءبىر كوتەرىلىس كەزىندە ارتتا قالعان جۇزدىككە حابار جەتكىزۋ ءۇشىن ءبىر جىگىتتى جىبەرەدى. بالا جىگىت 29 ساعاتتا 300 شاقىرىم جولدى تىنباستان شاۋىپ بارىپ، قايتىپ كەلەدى.
سوندا ات ساعاتىنا 10، 3 كيلومەتر شاۋىپ وتىرعان.

3. ۇعىمدىق دودا (ءماتىندى تالداۋ جۇمىسى)
1. تابيعات كورىنىسىن تاۋىپ وقۋ
2. جىلقىنىڭ انالىق مەيىرىمى ايتىلعان تۇستى وقۋ
3. ماقان جىلقىشىنىڭ ءسوزىن تاۋىپ وقۋ
جاڭا ءسوز. تەبىندە - قاردى تەۋىپ، قار استىنداعى ءشوپتى جەۋ.
قوس - كوشىپ قونۋعا ىڭعايلى، تىگۋى، جىعۋى وڭاي باسپانا.
سەرگىتۋ ءساتى (ءۇنتاسپا ارقىلى« قاراجورعا» ءبيى اۋەنىن جىبەرۋ)
*كەرەك كەڭەس
قىمىزدى بيە سۇتىنەن اشىتىپ دايىندايدى.
دايىندالۋ ەرەكشەلىگى مەن ساقتالۋ مەرزىمىنە بايلانىستى ۋىز قىمىز، ساۋمال قىمىز، تۇنەمە قىمىز، بەستى قىمىز، قۇنان قىمىز بولىپ بولىنەدى

4. شىعارماشىلىق دودا
• جىلقى تۋرالى ەسسە جازۋ
• ولەڭ جازۋ (ولەڭنىڭ ۇيقاس نۇسقاسى ۇسىنىلادى)
................................ قۇندىزىم،
................................ شابادى.
................................ جۇلدىزىم،
................................ قاعادى.
*مۇنى دا ەسكەر ( ماعىناسى تۇسىندىرىلەدى)
• اتجالىن تارتىپ ءمىندى.
• توقىم قاعار.
• ات - شاپان ايىپ تولەۋ.
• اتقۇيرىعىن كەسىسۋ

5. شەشۋشى دودا ( ءار توپ ءوزىنىڭ ويىن دالەلدەپ ايتادى)
جىلقىنىڭ پايداسى ويىڭدى دالەلدە
جىلقىنىڭ ەتى
جىلقىنىڭ قىلى
جىلقىنىڭ تەرىسى
* مۇنى دا بىلگەن ءجون
تايجاقى - قۇلىننىڭ نەمەسە تايدىڭ تەرىسىنەن يلەنىپ، استار سالىنعان، كوكتەمدە جانە كۇزدە كيەتىن سىرت كيىم.
بۇگىنگى ساباق بارىسىنداعى ءار توپتىڭ ءار دوداداعى جۇمىسىن قورىتىندىلاۋ، وقۋشىلار ءبىلىمىن توپ باسشىسى ارقىلى سارالاۋ جانە باعالاۋ.

ۇيگە تاپسىرما
• اڭگىمەنى ءتۇسىنىپ وقۋ
• مازمۇنىن ايتۋ
• ىزدەنىس جۇمىسى
• (جىلقى مالىنا بايلانىستى اۋا رايىن بولجاۋ)