ساعادييەۆ: كەشكى ساعات 6-دان كەيىن اتا-انالاردى بالالارىنا جىبەرۋ كەرەك
اتا-انالاردىڭ 50 پايىزى 11 جىلدىڭ ىشىندە مەكتەپتەرگە مۇلدەم كەلمەيدى. بۇل تۋرالى بۇگىن ق ر ۇكىمەتى وتىرىسىندا ەلىمىزدىڭ ءبىلىم جانە عىلىم ءمينيسترى ەرلان ساعادييەۆ ءمالىم ەتتى، دەپ حابارلايدى قازاقپارات.
«اتا-انالاردىڭ بالالاردى تاربيەلەۋدەگى ءرولى مەن جاۋاپكەرشىلىگى تومەندەپ كەتتى. اتا-انالار ۇنەمى جۇمىستا بولعاندىقتان بالانىڭ تاربيەسىمەن اينالىسۋعا ۋاقىتى بولمايدى. ونىڭ ىشىندە مەملەكەتتىك قىزمەتكەرلەر دە كوپ. قازىرگى ۋاقىتتا تەك 10-12 پايىز اتا-انالار عانا مەكتەپتەگى جينالىسقا قاتىسادى. ءبىزدىڭ ەسەبىمىز بويىنشا اتا-انالاردىڭ 50 پايىزى 11 جىلدىڭ ىشىندە مەكتەپتەرگە كەلمەيدى. ءبىزدىڭ ويىمىزشا، اتا-انالاردى ساعات 6-دان كەيىن ۋاقىتىندا ۇيلەرىنە، بالالارىنا جىبەرۋ تاجىريبەسىن باستاۋ قاجەت»، - دەدى ە.ساعادييەۆ.
سونىمەن قاتار مينيستر پسيحولوگتاردى دايىنداۋ ءۇشىن، سونداي-اق بالالارعا پسيحولوگيالىق كومەك بەرۋدىڭ ءبىرىڭعاي زاماناۋي مەتودولوگياسى قاجەت ەكەنىگىن باسا ايتتى.
«قازىرگى ۋاقىتتا يۋنيسەف بالالار قورىمەن بىرلەسىپ، عىلىمي نەگىزدە ارنايى باعدارلاما جاسالدى. اتالعان باعدارلاما شىعىس قازاقستان وبلىسىندا بەيىمدەۋدەن ءوتىپ، وسى جىلدان باستاپ التى وڭىردە الماتى قالاسىندا، اقتوبە، شىعىس قازاقستان، قىزىلوردا، ماڭعىستاۋ جانە وڭتۇستىك قازاقستان وبلىستارىندا ەنگىزىلىپ جاتىر»، - دەدى ول.
You Might Also Like
-
فيزيكا سالاسى بويىنشا 2016 جىلعى نوبەل سىيلىعىنىڭ لاۋرەاتتارى بەلگىلى بولدى، دەپ حابارلايدى "حابار 24".
-
قازاقستاندا مەكتەپ تۇلەگى جۇرگىزۋشى كۋالىگىن الىپ شىعاتىن بولادى. بۇل تۋرالى بۇگىن ق ر ۇكىمەتى وتىرىسىندا ەلىمىزدىڭ ءبىلىم جانە عىلىم ءمينيسترى ەرلان ساعادييەۆ ءمالىم ەتتى، دەپ حابارلايدى قازاقپارات.
