InfoHub Logo

ينديرا ىسقاقوۆا پەداگوگتىڭ جۇمىس ورنىندا شۋ شىعارعاندىعىن ايتا كەلە: «مۇنداي قىلىق قالىپتى جاعداي سانالمايدى ءارى پەداگوگتىڭ ادەپ كودەكسىن جانە ءبىلىم تۋرالى زاڭدى بۇزۋ بولىپ تابىلادى. جالپى، مۇنداي پەداگوگ بالالارمەن قالاي جۇمىس ىستەيدى؟ باسشى مۇنداي پەداگوگكە قاتىستى شارا قابىلداۋعا ءتيىس پە ەكەندىگىن بىلگىم كەلەدى. ونى ادامگەرشىلىككە جات قىلىعى ءۇشىن جۇمىستان شىعارۋعا قۇقى بار ما؟»، - دەپ جازعان ەدى.

ءوز كەزەگىندە مينيستر تارتىپتىك جازا قولدانۋ بارىسىندا ەڭبەك كودەكسىنە سايكەس دالەلدەردىڭ بولۋى، جاسالعان جات قىلىقتىڭ اۋىرلىعى مەن ونىڭ جاسالۋ بارىسىندا جاعداي ەسكەرىلۋى تيىستىگىن ەسكە سالىپ وتكەن. ونىڭ اتاپ وتۋىنشە، «ءبىلىم تۋرالى» زاڭعا سايكەس پەداگوگ قىزمەتكەرلەردىڭ مىندەتىنە وقۋشىلاردى جوعارى ادامگەرشىلىككە، اتا-اناعا، ەتنومادەني قۇندىلىقتارعا قۇرمەتپەن قاراۋعا، قورشاعان ورتانى ايالاۋعا ۇيرەتۋ كىرەدى. ءمۇعالىم پەداگوگ ادەبىن ساقتاۋى، وقۋشىلاردىڭ، تاربيەلەنۋشىلەر مەن ولاردىڭ اتا-انالارىنىڭ نەمەسە باسقا دا زاڭدى وكىلدەرىنىڭ ار-نامىسى مەن بەدەلىن قۇرمەتتەۋى ءتيىس.

ۇستاز ءوز قىزمەتىندە قازاقستان رەسپۋبليكاسى پەداگوگ قىزمەتكەرىنىڭ جوعارى اتاعىنىڭ بەدەلىن تۇسىرۋگە مۇمكىندىك تۋعىزاتىن ىس-ارەكەتتەردى جاساۋعا جول بەرمەيدى، ءوزىنىڭ قىزمەتتىك مىندەتىن ادال جانە ساپالى ورىندايدى، ءبىلىم بەرۋ ۇيىمىنىڭ مۇلكىنە ۇقىپتى قارايدى جانە ونى جەكە ماقساتتا پايدالانبايدى، جاسىنا، جىنىسىنا، ۇلتىنا، ءدىني سەنىمىنە، ازاماتتىعىنا، شىعۋ تەگىنە، الەۋمەتتىك، لاۋازىمدىق جانە مۇلىكتىك جاعدايلارىنا نەمەسە كەز كەلگەن وزگە دە ءمان-جايلارعا قاراماستان، ادامنىڭ قۇقىعىن، ابىرويى مەن قادىر-قاسيەتىن قۇرمەتتەيدى، جالپى قابىلدانعان ادامگەرشىلىك-ادەپتىلىك نورمالارىن، سىپايىلىق پەن بيازىلىقتى ساقتايدى.

«مىندەتىن بۇزعانى جانە پەداگوگ قىزمەتكەر اتىنا كىر كەلتىرەتىن قىلىق جاساعانى ءۇشىن پەداگوگ قازاقستان زاڭىمەن بەلگىلەنگەن جاۋاپكەرشىلىككە تارتىلۋى مۇمكىن. (...) جوعارىدا ايتىلعانداردىڭ نەگىزىندە تاربيەلىك قىزمەتتى ورىندايتىن قىزمەتكەر جۇمىسىن ودان ارى جالعاستىرۋعا مۇمكىندىك بەرمەيتىندەي ادامگەرشىلىككە جات مىنەز-قۇلىق تانىتاتىن بولسا، وندا جۇمىس بەرۋشى تارابىنان جۇمىسشىمەن ەڭبەك كەلىسىمشارتى بۇزىلۋى مۇمكىن»، - دەپ جازدى ءمينيسترى.

---