InfoHub Logo

پىكىر

بۇگىنگى كۇنگى قازاق ادەبيەتىن، ونىڭ ىشىندە قازاق ولەڭىن اسقارالا بيىكتەرگە كوتەرىپ جۇرگەن زامانداس اقىندارىمىزدىڭ ءبىرى — ساكەن يماناس ۇلى ەكەنىنە مەنىڭ كۇمانىم جوق. ونىڭ ەسىمى ۇلتتىق پوەزيامىزدىڭ وتكەن عاسىردىڭ الپىسىنشى جىلدارى جاراتىلعان مۇقاعالي ماقاتايەۆ، تۇمانباي مولداعالييەۆ، قادىر مىرزالييەۆ، جۇمەكەن ناجىمەدەنوۆ قاتارىندا تۇرۋعا لايىق.

س. يماناسوۆ پوەزياسى ءبىزدىڭ قازاقى رۋحانياتىمىزدى نەداۋىر بايتتى دەسەم، ارتىق ايتپاسپىن دەپ ويلايمىن. ونىڭ قالامىنان تۋعان ونداعان كىتاپتاردان ءوزىمىز ءومىر كەشىپ وتىرعان مەزگىلدىڭ ولەڭ تىلىمەن كۇيلەنىپ، كەستەلەنگەن سازدى شەجىرەسىن وقىپ، تانيمىز. ءارى بۇل الەۋمەتتىك ۇرانشىل، قۇرعاق دەكلاراتيۆتىك سارىن ەمەس. انىق سۇلۋ، سىرلى پوەزيا. ىشتەن، جۇرەكتەن شىققان، كەيدە مۇڭدى، نازىك، ال كوبىنە-كوپ ەرەۋىلشىل، بىربەتكەي، وجەت، ءورشىل پوەزيا. يماناسوۆتى وزگە تۇستاس اقىنداردان ەرەكشە ايىرىپ، بولەكتەپ تۇراتىن دا — ونىڭ وسى وجەت، ءورشىل مىنەزى.

ساكەن اقىننىڭ وسىنداي ەلدەن ەرەك جەمىستى ەڭبەگىنىڭ رەسمي قوعاميات تاراپىنان ءادىل باعالاناتىن، ءسويتىپ اقىننىڭ ءوزىن عانا ەمەس، وزگە دە ساكەنشىل وقىرمانداردى ريزا ەتەتىن ۋاقىتى كەلدى دەپ بىلەمىز.

30.12.2003 ج الماتى

---