InfoHub Logo

ساباقتىڭ تاقىرىبى: ءسان جۋرنالىنان بۇيىم تاڭداۋ. ءوز ولشەم بىرلىگىن انىقتاۋ. ۇلگىلەر دايىنداۋ.
ساباقتىڭ ماقساتى:
ا) بىلىمدىلىك: «Burda» ءسان جۋرنالىمەن ساۋاتتى جۇمىس جاساۋدى، ءوز ولشەمدەرىنە سايكەس ۇلگىلەردى دۇرىس ءتۇسىرۋدى ۇيرەتۋ
ب) تاربيەلىك: ەڭبەكسۇيگىشتىككە، جاۋاپكەرشىلىككە، تالعامپازدىققا، العان بىلىمدەرىن ءىس - جۇزىنە قولدانا بىلۋگە ۇيرەتۋ
ۆ) دامىتۋشىلىق: شىعارماشىلىق بەلسەندىلىكتەرىن، تانىمدىق قىزىعۋشىلىقتارىن، شەبەرلىكتەرىن دامىتۋ
ساباقتىڭ ءتۇرى: ارالاس ساباق
ساباقتىڭ ءتيپى: جاڭا ءبىلىم بەرۋ
ساباقتىڭ ءادىسى: تۇسىندىرمەلى – ءيلليۋستراتيۆتى، سۇراق - جاۋاپ، ساراماندىق، وي - قوزعاۋ
ءپانارالىق بايلانىس: سۋرەت، ادەپ، سىزۋ، ماتەماتيكا
كورنەكىلىگى: ءسان جۋرنالدارى، سىزبالار، سۋرەتتەر، ۇلگىلەر، ينتەراكتيۆتى تاقتا، تەست سۇراقتارى.

ساباقتىڭ بارىسى:
1. ۇيىمداستىرۋ كەزەڭى:
سالەمدەسۋ، وقۋشىلاردىڭ نازارلارىن ساباققا اۋدارۋ. وقۋشىلاردى تۇگەلدەۋ
«ادامدى بيىك شىڭعا جەتكىزەتىن – ەڭبەك. ءبىز باعا جەتپەس ءبىلىم قورىن ارتتىرىپ، ونى جاڭاشا تۇرلەندىرە ءبىلۋىمىز قاجەت»
ن. ءا. نازاربايەۆ
پرەزيدەنتىمىزدىڭ ءسوزىن تىلگە تيەك ەتە وتىرىپ، اپتالىق تاقىرىبىمەن بايلانىستىرامىن.

2. ءۇي تاپسىرماسىن سۇراۋ. تاعام ازىرلەۋ تەحنولوگياسىنا بايلانىستى سۇراقتار قويىپ، وتىلگەن تاراۋدى پىسىقتايمىن.
1. اس ءمازىرىن جاساۋدا دۇرىس تاماقتانۋدىڭ قانداي ۇستانىمدارىن ەستە ساقتاۋ كەرەك؟
2. ەت تاعامدارىنىڭ قۇندىلىعى. ەت تاعامدارىن توپتاۋ.
3. گارنير مەن تۇزدىقتار
4. اشىتقىسىز قامىر تۇرلەرى
5. كونديتەر بۇيىمدارىن بەزەندىرۋ تۇرلەرى
6. تاعام ازىرلەۋدە ەستە ساقتاۋ كەرەك تقە
3. جاڭا ساباققا كىرىسپە ءسان – فرانسۋزدىڭ «mode»، لاتىنشا «modus» سوزىنەن شىققان ولشەم، بەينە، ءتاسىل دەگەن ماعىنانى بىلدىرەدى.
ءساندى بۇيىم تاڭداۋعا ارنالعان «ماۋسىم ساندەرى»، «سىمبات»، «Burda» ت. ب ءسان جۋرنالدارى بار. ساباعىمىزدا ءسان جۋرنالدارىنان بۇيىم تاڭداۋ، ءوز ولشەمدەرىن انىقتاۋ، ۇلگىلەر دايىنداۋ جولدارىن ۇيرەنەمىز

4. جاڭا ساباق
ءسان جۋرنالىنان بۇيىم تاڭداعاندا ونىڭ قولايلى، ادەمى ءساننىڭ سوڭعى باعىتىنا، كيىمدەرگە قويىلاتىن تالاپتارعا سايكەس بولۋىنا نازار اۋدارۋ كەرەك. ءسان جۋرنالىمەن جۇمىس جاساۋ ءۇشىن ونداعى نۇسقاۋلارمەن، شارتتى بەلگىلەرمەن تانىس بولۋىمىز كەرەك.

ءسان جۋرنالىنداعى شارتتى بەلگىلەر
ءسان جۋرنالىنداعى ءاربىر مودەلدىڭ ءوز نومەرى بار وسى نومەردىڭ استىندا ونى دايىنداۋ جونىندەگى نۇسقاۋلار جازىلادى.
ۇلگىنىڭ سۋرەتى – وندا بارلىق تىگىستەر مەن بولشەكتەر كورسەتىلەدى.
ماتەريالدىق شىعىن (مودەلدى) دايىنداۋعا قاجەتتى بارلىق ماتەريالدار جايلى مالىمەت
قوسىمشا پاراق (ۇلگىلەر پاراعى )- ۇلگى بەتتەرى، كەسكىن سىزىقتار بەلگىلەنەدى.
بولىكتەردىڭ كىشىرەيتىلگەن سىزباسى – قانداي بولىكتەردىڭ ءپىشىمىن كوشىرىپ الۋ جايلى تۇسىنىك بەرىلەدى. ءاربىر بولىك نومەرى سىزىقتارى، سيفرلار، شارتتى بەلگىلەر كورسەتىلەدى.
جايىلما جوسپارى – بولىكتەردىڭ ۇلگىلەرىن ماتا بەتىنە ورنالاستىرۋدىڭ ءتيىمدى ءتاسىلى كورسەتىلەدى.
تۇسىنىكتەمە ءماتىن – وندا ۇلگىنىڭ اتالۋى، ولشەمى، ماتا شىعىنى بولىكتەردىڭ ءتىزىمى، تىگۋ ەرەكشەلىكتەرى قىسقاشا تۇسىندىرىلەدى

ءسان جۋرنالىنداعى بارلىق مودەلدەر 36، 38، 40، 42، 44، 46 ولشەمدەرگە بەرىلگەن. بۇل نەمىستىڭ ولشەم جۇيەسى. ال ءوز تىلىمىزگە كوشىرەتىن بولساق وندا وسى ساندارعا 6 سانىن قوسۋ كەرەك.
ءسان جۋرنالىندا بەرىلگەن نۇسقاۋلاردىڭ قاسىندا رامكا ىشىندە كەلەسى مالىمەتتەر كورسەتىلگەن.
- ۇلگى كەسكىنىنىڭ ءتۇسى
- ۇلگى ورنالاسقان ورنى
- ولشەمدەرى جانە ولارعا ارنالعان كەسكىن سىزىقتارىنىڭ ءتۇرى
- بولىكتەردىڭ كىشىرەيتىلگەن سىزباسى
- جايىلما جوسپارى

تولىق نۇسقاسىن جۇكتەۋ