InfoHub Logo

ساندى 3 - كە كوبەيتۋ كەستەسى (قايتالاۋ)
ساباقتىڭ ماقساتى:
1. بىلىمدىلىك: كەستەلىك كوبەيتۋ جانە ءبولۋ ەرەجەلەرىن قايتالاي وتىرىپ، 3 - كە كوبەيتۋ جانە ءبولۋدى ۇيرەتۋ، ۇعىندىرۋ. كوبەيتۋ كەستەسىن قۇرۋدى، كوبەيتۋدىڭ اۋىستىرىمدىلىق قاسيەتىن پايدالانۋعا ۇيرەتۋ.
2. دامىتۋشىلىق: وقۋشىلاردىڭ وي - ءورىسىن، ەستە ساقتاۋ قابىلەتىن وزدىگىنەن جۇمىس ىستەۋ داعدىسىن، پانگە دەگەن قىزىعۋشىلىقتارىن ارتتىرۋ. ءبىلىم، بىلىك، داعدىلارىن كەڭەيتۋ، قيالىن، اۋىزشا ەسەپتەۋ قابىلەتتەرىن دامىتۋ.
3. تاربيەلىك: وقۋشىلار وزگەنىڭ پىكىرىن تىڭداپ، ءوز ويىن ەركىن ايتۋعا باۋلۋ، بەلسەندىلىككە، ۇقىپتىلىققا تاربيەلەۋ.
ساباقتىڭ ءتۇرى: ارالاس ساباق
ساباقتىڭ ءادىسى: ءتۇسىندىرۋ، سۇراق - جاۋاپ، توپپەن جۇمىس، ويىن، ماتەماتيكالىق ديكتانت، لوگيكالىق سۇراقتار.
ءپانارالىق بايلانىس: انا ءتىلى
كورنەكىلىگى: كوبەيتۋ كەستەلەرى، ۇلەستىرمەلى قيما قاعازدار، كوبەيتۋ كەستەسىنە بايلانىستى سۋرەتتەر.
ساباقتىڭ بارىسى:

I. ۇيىمداستىرۋ كەزەڭى
پسيحولوگيالىق دايىندىق.
ال، قانەكەي، بالالار،
بەرى قاراي قارايىق.
قاجەت قۇرال، كىتاپتى،
الدىمىزعا الايىق.
الاڭداماي باسقاعا،
ساباققا نازار سالايىق.
دۇرىس ەسەپ شەشىمىن،
مۇقياتپەن تابايىق.

II. ءۇي تاپسىرماسىن تەكسەرۋ.
№ 7. ورنەكتەر قۇر، ماندەرىن ەسەپتە.
4*3 = --------- 12/3= 4 ------- 12/4 = 3 ------ 3*4 = 12
5*3 =
6*2 =
7*2 =
8*2 =

شىعارماشىلىق تاپسىرما.

III. وتكەن ساباقتى پىسىقتاۋ.
- بالالار، ءبىز وتكەن ساباقتا ساندى 2 - گە كوبەيتۋ كەستەسىن ءوتىپ، ەسەپتەر شىعاردىق. ءقازىر سونى قالاي مەڭگەرگەندەرىڭىزدى ءبىلۋ ءۇشىن سۇراقتار قويىپ وتكەندى ەسكە تۇسىرەمىز.
- كوبەيتۋ امالىنا كەرى امال؟
- كوبەيتۋدىڭ كومپونەنتتەرىن اتا؟
- ءبولۋدىڭ كومپونەنتتەرىن اتا؟

IV. جاڭا ساباق
سانعا بايلانىستى دانالىق سوزدەر ارى - بەرىدە ءبىزدىڭ قازاقتا عانا بولسا كەرەك. بابالار قالدىرعان وسىناۋ دانالىقتى ۇرپاقتان - ۇرپاققا اماناتتاپ جەتكىزۋ ءبىزدىڭ بورىشىمىز. بۇگىن الدارىڭىزعا "ءۇش" سانىنا بايلانىستى سوزدەردى اكەلىپ وتىرمىز. جەتى سانى تۋرالى ايتىپ وتتىك. قازاق ىرىمداپ، جاقسىلىققا بالاعان ءتورت، بەس، توعىز، ون ءبىر، قىرىق ساندارى تۋرالى الدا تاعى دا مالىمەتتەر بەرەتىن بولامىز.

1. ءۇش جۇرت: اعايىن جۇرت، ناعاشى جۇرت، قايىن جۇرت
2. ءۇش بايلىق: ءبىرىنشى بايلىق – دەنساۋلىق، ەكىنشى بايلىق – اق جاۋلىق، ءۇشىنشى بايلىق – ون ساۋلىق.
3. ءۇش قۋات: اقىل قۋات، جۇرەك قۋات، ءتىل قۋات.
4. ءۇش ارسىز: كۇلكى ارسىز، تاماق ارسىز، ۇيقى ارسىز.
5. ءۇش ءقادىرلى: ىرىس ءقادىرلى، ب ا ق ءقادىرلى، داۋلەت ءقادىرلى.
6. ءۇش ءقادىرسىز: جاستىق شاق ءقادىرسىز، دەنساۋلىق ءقادىرسىز، جاقسى جاردىڭ ءقادىرىن بىلمەۋ.
7. ءۇش جاماندىق: قان توگۋ، كىسى اقىسىن جەۋ، ەسكى جۇرتتى بۇزۋ.
8. ءۇش ءتاتتى: جان ءتاتتى، مال ءتاتتى، جار ءتاتتى.
9. ءۇش اقيقات: قىمبات – شىندىق، ارزان – وتىرىك، داۋاسىز – كارىلىك.
10. ءۇش قۋانىش: العىس الۋ، ءوزىڭدى كوپتىڭ ىزدەۋى، جاقسى ءىسىڭنىڭ وشپەۋى.
11. ءۇش بيىك: بيلىك، داۋلەت، دانالىق.
12. ءۇش تۇل: قايراتسىز اشۋ تۇل، تۇرلاۋسىز عاشىق تۇل، شاكىرتسىز عالىم تۇل.
13. ءۇش كەدەيلىك: كەجىرلىك، ەرىنشەكتىك، ۇيقى.
14. ءۇش باقىتسىز: جامان ات، جامان قاتىن، جامان كورشى.
15. ءۇش كوز: سۋ اناسى – بۇلاق، جول اناسى – تۇياق، ءسوز اناسى – قۇلاق.
16. ءۇش توقتام: اقىل – ارقان، وي – ءورىس، ادام – قازىق.
17. ءۇش قاسيەت: ولىدە ءارۋاق، مالدا كيە، استا كەپيەت.
18. ءۇش تاعىلىم: مەيىرىمنەن ساۋاپ، جاقسىلىقتان شاراپات، جاماندىقتان كەساپات.
19. ءۇش زايا:
اقىماققا ايتقان ءسوز زايا،
قاراڭعىعا تەلمىرگەن كوز زايا،
بولماشىعا قايرىلعان ءومىر زايا.
20. ۇشكە توقتاۋ قىل: ومىرگە توقتاۋ قىل، ولىمگە توقتاۋ قىل، كوڭىلگە توقتاۋ قىل.
21. ءۇش ماقتانشاق: قاتىنىن ماقتاعان، اتىن ماقتاعان، اسىن ماقتاعان.
22. ءۇش جۇيرىك: كوڭىل جۇيرىك، ءتىل جۇيرىك، قول جۇيرىك.
23. ءۇش جامان: تاستارماندا قاتىن جامان، كوشەرمەندە جۇرت جامان، جۇتاعاندا قىس جامان.
24. ءۇش جاۋ: شايپاۋ بولسا قاتىن جاۋ، قىدىرماش بولسا قىزىڭ جاۋ، ءتىلازار بولسا ۇلىڭ جاۋ.
25. ءۇش جەتىم: ەر الماعان قىز جەتىم، قاز قونباعان كول جەتىم، شالعىنى جوق جەر جەتىم.