InfoHub Logo

قازاقستاننىڭ قوعام قايراتكەرى، ءدىنتانۋشى بەيبىت ساپارالى بەلگىلى تۇلعا سارا نازاربايەۆانىڭ دەنساۋلىق جاعدايى تۋرالى قۇپيا مالىمەتتەردى اشىق ايتتى. ول «Sadaq» مەديا اگەنتتىگىنىڭ «ءدۇربى» باعدارلاماسىندا بەرگەن سۇحباتىندا سارا الپىس قىزىنىڭ قازىرگى جاي-كۇيى تۋرالى ايتىپ، كوپشىلىكتىڭ كوكەيىندەگى سۇراقتارعا جاۋاپ بەردى.

بۇل تۋرالى Infohub.kz اقپارات اگەنتتىگى حابارلايدى.

ساپارالىنىڭ ايتۋىنشا، سارا نازاربايەۆا ءتىرى جانە قازىرگى تاڭدا 85 جاستا. سوڭعى جىلدارى ول كوپشىلىكتىڭ كوزىنەن تاسا بولىپ قالعان ەدى. ءدىنتانۋشى مۇنى وتباسىنىڭ باسىنا كەلگەن اۋىر سىناقتارمەن بايلانىستىرادى.

وتباسىلىق تراگەديالاردىڭ اسەرى

«سارا اپامىز ءتىرى. ونى ەندى ءبىزدىڭ اقپارات كوزدەرى بايقاپ جازۋ كەرەك. ارينە، جاسى ۇلكەن – 85 جاستا. سوڭعى ونداعان جىل ول كىسى ەلدىڭ كوزىنەن تاسا بولدى. اۋلەتتىك جاعدايلار بولدى. اۋىر جاعدايلار بولدى. ايسۇلتان نەمەرەسى قايتىس بولدى. ونىڭ الدىنداعى راحات پەن داريعانىڭ وقيعاسىن قاراڭىز. ونىڭ ءبارى ايەل ادامعا اۋىر عوي. ءبىر كەزدە ۇيىپ وتىرعان كەرەمەت اۋلەت. بۇل ساياسي استارىن ايتىپ، كىم كىنالى، كىم كىناسىز دەگەن ماسەلە ەمەس، ول – ايەل ادام بارىنە جانى اشيدى. ءبارىن جاقسى كورەدى»، – دەيدى بەيبىت ساپارالى.

ول سارا نازاربايەۆانىڭ اۋرۋىنا سەبەپ بولعان جاعدايلارعا توقتالدى. «كومەكشىلەرىنەن ەستىگەنمىن. قاتتى اۋىردى. ەلباسى ءوزى ۇشىپ كەلىپ، قاسىندا ءۇش كۇن وتىرعان. دارىگەرلەر «قايتادى» دەپ ايتقان. مۇندا ادامدار اۋرۋىنا قاراۋ كەرەك. سارا اپامىزدىكى – رۋحاني اۋرۋ. بالالارىنىڭ تاعدىرىن ۋايىمداپ، بولماي قالعان اۋلەتىنىڭ قيىن تاعدىرىن ويلاپ، سودان رۋحاني كەسەلگە ۇشىرادى»، – دەپ قوستى ءدىنتانۋشى.

دەنساۋلىققا زيان ادەتتەر

سۇحبات بارىسىندا ءدىنتانۋشى سارا نازاربايەۆانىڭ دەنساۋلىعىنا كەرى اسەر ەتكەن كەيبىر ادەتتەرىنە دە توقتالدى. «ول كىسىنىڭ اۋرۋىنا سەبەپ بولعان تاعى ءبىر نارسە… سارا اپامىز سۋعا شومىلۋدى شىعاردى. مەن كەزىندە قانشا رەت سىناپ ايتتىم. مۇمكىن جاقتىردى، جاقتىرمادى… ەلباسىعا دا جەتىپ جاتتى. تاستاي سۋىق سۋدى تاڭەرتەن تۇرىپ قۇياتىن. بەلگىلى ءبىر جاستا ول دەنساۋلىعىنا پايدالى بولعان شىعار. ونى سول كەزدە ەلباسىعا دا ىستەتتى. 1994-1996 جىلدارى قىزىق كورىپ سونى ىستەپ ءجۇردى. ال ەندى تاس توبەڭنەن تاستاي سۋىق سۋ قۇيعان ول عۇسىلعا جاتپايدى. سودان كەسەل جينايدى. ەكىنشىدەن، سەنىڭ ماقساتىڭ نە؟ ءيا اللا، ماعان شيپا بەر دەپ تۇرعان جوق… ورىستىڭ، ۋكرايننىڭ مۇجىق دەدىڭ ايتىپ تۇر. شيرك قوسىلىپ تۇر ورتادا… تۇسىنىك باسقا بولىپ تۇر. قانشاما كۇنا جينادى. ول وتە قيىن نارسە. سوندىقتان ول رۋحاني كەسەلگە ۇشىرادى»، – دەدى بەيبىت ساپارالى.