InfoHub Logo

سارا نازاربايەۆانىڭ دەنساۋلىعى تۋرالى جاڭا مالىمەتتەر پايدا بولدى. ءدىنتانۋشى ءارى قوعام قايراتكەرى بەيبىت ساپارالى "Sadaq" مەديا اگەنتتىگىنىڭ "ءدۇربى" الاڭىندا بەرگەن سۇحباتىندا سارا نازاربايەۆانىڭ قازىرگى جاعدايىنا قاتىستى پىكىر ءبىلدىردى.

بۇل تۋرالى Infohub.kz اقپارات اگەنتتىگى حابارلايدى.

سارا نازاربايەۆانىڭ قازىرگى جاعدايى

ساپارالىنىڭ ايتۋىنشا، سارا نازاربايەۆا امان، بۇگىندە 85 جاستا. سوڭعى جىلدارى ونىڭ كوپشىلىك نازارىنان تىس قالۋىن ءدىنتانۋشى اۋلەت ىشىندە بولعان اۋىر وقيعالارمەن بايلانىستىرادى. "سارا اپامىز ءتىرى. جاسى ۇلكەن – 85 جاستا. سوڭعى ونداعان جىل ول كىسى ەلدىڭ كوزىنەن تاسا بولدى. اۋلەتتىك جاعدايلار بولدى. اۋىر جاعدايلار بولدى. ايسۇلتان نەمەرەسى قايتىس بولدى. ونىڭ الدىنداعى راحات پەن داريعانىڭ وقيعاسىن قاراڭىز. ونىڭ ءبارى ايەل ادامعا اۋىر عوي،" - دەدى ساپارالى.

رۋحاني اۋرۋدىڭ سەبەپتەرى

ساپارالىنىڭ ايتۋىنشا، سارا نازاربايەۆا رۋحاني اۋرۋعا ۇشىراعان. "كومەكشىلەرىنەن ەستىگەنمىن. قاتتى اۋىردى. ەلباسى ءوزى ۇشىپ كەلىپ، قاسىندا ءۇش كۇن وتىرعان. دارىگەرلەر "قايتادى" دەپ ايتقان. مۇندا ادامدار اۋرۋىنا قاراۋ كەرەك. سارا اپامىزدىكى – رۋحاني اۋرۋ. بالالارىنىڭ تاعدىرىن ۋايىمداپ، بولماي قالعان اۋلەتىنىڭ قيىن تاعدىرىن ويلاپ، سودان رۋحاني كەسەلگە ۇشىرادى،" - دەدى ءدىنتانۋشى.