InfoHub Logo

2023 جىلى تۋعان سارباز الماس شاحيموۆتىڭ اسكەري بولىمدە قايتىس بولعانى تۋرالى رەسمي حابارلاما مەن اناسىنىڭ ايتقاندارى اراسىندا الشاقتىق بار. اناسىنىڭ ايتۋىنشا، ۇلى جازىم بولعاندا، ونىڭ دەنەسىندەگى جاراقاتتار رەسمي نۇسقاعا ساي كەلمەگەن.

بۇل تۋرالى Infohub.kz اقپارات اگەنتتىگى حابارلايدى.

ساربازدىڭ دەنەسىندەگى جاراقاتتار

الماس شاحيموۆ 2022 جىلدىڭ كوكتەمىندە ۇلتتىق ۇلاننىڭ 5574 بولىمىنە قىزمەتكە شاقىرىلعان. رەسمي مالىمەتتە 10 تامىزدا دالالىق جاتتىعۋ كەزىندە شاتىردىڭ تەمىر جاقتاۋى باسىنا ءتيىپ، سارباز كوز جۇمعان دەلىنگەن. الايدا، اناسىنىڭ ايتۋىنشا، ۇلىنىڭ دەنەسىندە پىشاق جاراقاتى، تەمەكىمەن كۇيدىرۋ، قىلقىندىرۋ ىزدەرى بولعان.

«بالامدى ءۇش جەردەن پىشاقتاعان، 26 دەنە جاراقاتى بار، ارقاسىن تەمەكىمەن كۇيدىرگەن. ءتىپتى قىلقىندىرعان. ءۇش مينۋتتا داۋىل بولىپ ءولدى دەيدى. ءۇش مينۋتتا ادام وسىنداي جاراقات المايدى. ەشقانداي داۋىل بولماعان، بالامدى ساعاتتاپ قورلاپ ولتىرگەن»، - دەيدى اناسى.

كىنالى كوماندير جازاسىز قالدى

ساربازدىڭ اتا-اناسى سوتقا قاتىسۋدان باس تارتقان، سەبەبى كىنالى دەپ تانىلعان كومانديرگە تەك 1 جىلعا سوتتاۋ نەمەسە شارتتى جازا بەرمەك بولعان. كەيىنگى سوت وتىرىسىندا كوماندير مۇلدەم جازاسىز قالدىرىلعان.

«الگى كومانديردى جازاسىز قالدىردى. ءتىپتى 1 جىلعا دا سوتتاعان جوق، ءۇيقاماققا دا العان جوق. تەك قىزمەتىنەن شەتتەتكەن، ءقازىر ول تاكسي جۇرگىزۋشىسى بولىپ ءجۇر ەكەن»، - دەيدى اناسى.

تۇرمەدە ەرەجەسىز جەكپە-جەككە اپارعان دەگەن دەرەك

اناسىنىڭ ايتۋىنشا، اسكەري بولىمدە بۇرىن جۇمىس ىستەگەن وفيسەرلەر جىگىتتەردى ەرەجەسىز جەكپە-جەككە اپاراتىنىن ايتقان. كەيبىر ساربازدار مەن ەكستراسەنستەر دە الماس شاحيموۆتىڭ تۇرمەدەگى جەكپە-جەكتەن قازا بولۋى مۇمكىن ەكەنىن جەتكىزگەن.

قورعانىس مينيسترلىگىنىڭ جاۋابى

قورعانىس ءمينيسترى داۋرەن قوسانوۆ قازاقستان اسكەرىندە الىمجەتتىك بار دەگەن پىكىردى جوققا شىعارىپ، اسكەردەگى ءولىم-جىتىم تۋرالى سۇراققا كۇلىپ جاۋاپ بەرگەن. ول اسكەردە ءتارتىپتىڭ ساقتالۋى ءۇشىن جۇمىس ىستەلىپ جاتقانىن ايتتى.

اسكەردەگى الىمجەتتىكتى دالەلدەۋ قيىن

زاڭگەر ينگا يمانبايدىڭ ايتۋىنشا، قازاقستاندا اسكەردەگى الىمجەتتىك بويىنشا ىستەردىڭ تەك 5-10%-ى عانا سوتقا جەتەدى. سوڭعى ءۇش جىلدا 270-كە جۋىق سارباز قازا تاپقان، ءبىراق ولاردىڭ ولىمىنە قاتىستى سوت ۇكىمى تۋرالى اقپارات از.