InfoHub Logo

سارىمساقتىڭ قۇرامىنداعى ەلەمەنتتىڭ تاماقتىڭ ۋلانۋىنا قارسى ەڭ ءجيى قولدانىلاتىن ەكى تانىمال انتيبيوتيكتەن 100 ەسە قۋاتتىراق ەكەنى انىقتالدى. قۇرامىنداعى ديالليلديسۋلفيد، اۋرۋعا جول اشاتىن جانە باكتەريانىڭ جويىلۋىن قيىنداتاتىن ءارتۇرلى بيوپلەنكالاردى جويادى. «Antimicrobial Chemotherapy» جۋرنالىندا جاريالانعان ماقالادا بۇل ەلەمەنتتىڭ تاماقتان ۋلانۋدىڭ ەمدەلۋىندە جاڭا ءبىر جول اشاتىنى مالىمدەندى.

Washington State ۋنيۆەرسيتەتىنىڭ دوكتورى مايكل كونكەل بىلاي دەدى: «بۇل وتە قوبالجىتاتىن ناتيجە. ويتكەنى اينالامىزداعى باكتەريالاردىڭ جانە ازىقتاردىڭ جول اشاتىن ۋلانۋدىڭ الدىن الاتىن باسىمدىلىقتاردى كورسەتەدى.» Campylobacter – اقش-تا جانە دۇنيەدە ەڭ كوپ كەزدەسەتىن تاماقتان ۋلانۋعا سەبەپ بولاتىن باكتەريا. ونىڭ بەلگىلەرى ادەتتە قۇسۋ، ءتۇيىلۋ، ءىش اۋرۋى جانە دەنە قىزۋى بولادى.

انتيبيوتيكتىڭ ورنىنا سارىمساق سۋى

امەريكالىق ماماندار سارىمساق سۋىنىڭ انتيبيوتيككە قارسى توزىمدىلىك قالىپتاستىرعان ميكروپتاردى ولتىرەتىندىگىن انىقتادى. سارىمساقتىڭ جۇرەك جانە تامىر جولدارىنىڭ قورعاۋشىسى، قان قىسىمىن ءتۇسىرۋشى اسەرىمەن قوسا، باۋىردىڭ از حولەستەرين جانە ماي ءوندىرۋىن قامتاماسىز ەتەتىندىگى، قان اينالىمىن جاقسارتىپ تامىر قاتايۋىنىڭ الدىن الاتىنى بۇرىننان بەلگىلى ەدى. ماماندار سارىمساقتىڭ بۇل قاسيەتىن «انتيبيوتيكتىڭ جاساي الماعانىن سارىمساق جاسادى» دەپ اتاۋىمەن، اقش-تا قۇرامىندا سارىمساعى بار دارى-دارمەكتەردىڭ ساتىلىمى كوتەرىلگەنى بايقالدى. سونداي-اق دارىلەردەن گورى سارىمساقتىڭ ءوزىن تىكەلەي تۇتىنۋ پايدالىراق ەكەندىگى دە مالىمدەندى.