سارىاعاشتا 19 جاستاعى مۇگەدەك جىگىتتى ايۋاندىقپەن ولتىرگەن كۇدىكتى قاماۋعا الىندى
تۇركىستان وبلىسىنىڭ سارىاعاش قالاسىندا جانتۇرشىگەرلىك قىلمىس ورىن الدى. ەكىنشى توپتاعى مۇگەدەك، 19 جاستاعى جاسۇلان ءابدىماناپ بەلگىسىز بىرەۋلەردىڭ قولىنان قازا تاپتى. ونى ايدالاعا اپارىپ، 14 رەت پىشاق جاراقاتىن سالىپ ولتىرگەن.
مارقۇمنىڭ دەنەسى ەكى كۇننەن كەيىن عانا تابىلدى. اۋىل تۇرعىندارىنىڭ ءبىرى دەنەنى بايقاپ، بىردەن پوليسياعا حابار بەرگەن. تەرگەۋ بارىسىندا مارقۇم كۇدىكتىلەردىڭ ءبىرىنىڭ وتىنىشىمەن نەسيە راسىمدەگەنى بەلگىلى بولدى. كۇدىكتى "انام اۋىرىپ جاتىر" دەپ، مارقۇمدى الداپ، 280 مىڭ تەڭگە نەسيە الدىرعان.
قوعامدى ءدۇر سىلكىندىرگەن تاعى ءبىر جايت – كۇدىكتىلەردىڭ قاتارىندا اسكەري قىزمەتكەر بار ەكەنى انىقتالدى. بۇل اقپارات الەۋمەتتىك جەلىلەردە قىزۋ تالقىلانىپ، جۇرتشىلىق ءادىل تەرگەۋ جۇرگىزۋدى تالاپ ەتىپ وتىر.
وڭتۇستىك وڭىرلىك اسكەري-تەرگەۋ باسقارماسىنىڭ مالىمەتىنە سايكەس، بۇل وقيعا "قازاقستان رەسپۋبليكاسى قىلمىستىق كودەكسىنىڭ 99-بابى 1-بولىگى (ادام ءولتىرۋ)" بويىنشا تىركەلدى. كۇدىكتى ەكى اي مەرزىمگە قاماۋعا الىندى.
بۇل وقيعا قوعامدا ۇلكەن رەزونانس تۋعىزدى. جۇرتشىلىق تەرگەۋدىڭ اشىق ءارى ءادىل جۇرگىزىلۋىن تالاپ ەتۋدە. قۇقىق قورعاۋ ورگاندارى كىنالىلەردىڭ انىقتالىپ، زاڭ اياسىندا قاتاڭ جازاعا تارتىلاتىنىنا سەندىرىپ وتىر.
You Might Also Like
-
قازاق ءتىلىن ۇيرەنۋ جولدارى تۋرالى كەڭەستەر مەن ونلاين كۋرستاردى قاراڭىز. كۇندەلىكتى پراكتيكا مەن پايدالى رەسۋرستار ارقىلى ءتىل داعدىلارىڭىزدى جەتىلدىرىڭىز.
-
2021-2023 جىلدار ارالىعىندا استانادا بودي-ماسساج قىزمەتىنىڭ جامىلعىسىندا زاڭسىز جەزوكشەلىك پريتونى ۇيىمداستىرعان ايەلدىڭ ارەكەتى انىقتالىپ، تەرگەۋ ناتيجەسىندە ونىڭ قىلمىستىق جولمەن تاپقان تابىسى 2 ميلليارد تەڭگەگە جەتكەنى بەلگىلى بولدى. بۇل تۋرالى infohub اقپارات اگەنتتىگى حابارلايدى.
