InfoHub Logo

ساۋلە اۋرۋى — بۇل يونداۋشى ساۋلەنىڭ ورگانيزمگە اسەر ەتۋىنەن پايدا بولاتىن اۋرۋدىڭ ەرەكشە ءتۇرى. ساۋلە اۋرۋىنىڭ ادامدا جەدەل (جوعارى ساۋلە دوزاسىن العان جاعدايدا) جانە سوزىلمالى (ەگەر تومەن ساۋلە دوزاسىن ءجيى السا) ءتۇرى بولۋى مۇمكىن. ساۋلە اۋرۋى نەگىزىنەن قان جاساۋشى ورگاندى، نەرۆ جۇيەسىن جانە ىشەك-قارىندى زاقىمدايدى.

العان ساۋلە دوزاسىنا بايلانىستى ساۋلە اۋرۋى ءۇش دارەجەگە بولەدى: 

— ءبىرىنشى دارەجەسى 100-200 «ر» دوزاسىن العاندا پايدا بولادى، اۋرۋدىڭ بۇل دارەجەسىندە بىلىنبەيتىن كەزەڭى 2-3 اپتاعا سوزىلادى، سودان كەيىن جالپى السىزدىك باستالىپ، ادامنىڭ زاۋقى بولمايدى، باسى اينالىپ، قانىنىڭ قۇرامىنداعى اق تۇيىرشىكتەر ازايادى، اۋرۋدى ەمدەۋگە بولادى؛

— ەكىنشى دارەجەلى ساۋلە اۋرۋى 200-300 «ر» دوزا العاندا پايدا بولادى، زاقىمدانۋ بەلگىلەرى تەز بىلىنەدى ءارى اۋىر تۇردە وتەدى، بىلىنبەيتىن كەزەڭى ءبىر اپتاعا دەيىن سوزىلادى، كوپ جاعدايدا ادام تولىقتاي السىرەيدى، ءبىراق تا بەلسەندى تۇردە ەمدەگەن جاعدايدا 1،5-2 ايدا جازىلادى؛

— ءۇشىنشى دارەجەلى ساۋلە اۋرۋى - 300 «ر»-نەن ارتىق دوزا العاندا پايدا بولادى، العاشقى بەلگىلەرى ادەتتە ساۋلە الىسىمەن-اق تەز بىلىنەدى، ادامنىڭ باسى قاتتى اۋىرىپ، جالپى جاعدايى السىرەيدى، لوقسىپ، كوپ قۇسادى، ەمدەۋ مەرزىمى 6-8 ايعا دەيىن سوزىلادى، مۇندا ادام ءولۋى مۇمكىن.

---