InfoHub Logo

پەتروپاۆلدا تۇراتىن ءبىر ازاماتشا جۇمىسىنان قوڭىراۋ شالعان الاياقتاردىڭ ايلا-شارعىسىنا ءتۇسىپ، جيناعان قارجىسىنان ايىرىلدى. وقيعانىڭ ەگجەي-تەگجەيىن پوليسيا تەرگەپ جاتىر.

بۇل تۋرالى Infohub.kz اقپارات اگەنتتىگى حابارلايدى.

الاياقتاردىڭ ارەكەتى

پوليسيا مالىمەتىنشە، ايەلگە بۇرىنعى جۇمىس ورنىنان حابارلاسقانداي بولىپ، ونىڭ جەكە ءىسىن كادر ءبولىمىنىڭ زاڭگەرى العانىن ايتقان. تۇسىنىكتەمە الۋ ءۇشىن ايەلگە بەلگىلى ءبىر تەلەفون ءنومىرى بەرىلگەن.

ءوزىن زاڭگەرمىن دەپ تانىستىرعان ەر ادام، ايەلدىڭ ينتەرنەت-الاياقتاردىڭ ءقاۋىپتى توپ تىزىمىنە ەنگەنىن حابارلاپتى. ول ايەلگە «قۇقىق قورعاۋ ورگانى قىزمەتكەرىنىڭ» جانە كەيىن «بانك مەنەدجەرىنىڭ» قوڭىراۋلارىنا جاۋاپ بەرۋگە كەڭەس بەرگەن.

قارجىنى «قورعاۋ» امالى

كەيىنگى اڭگىمەلەر بارىسىندا الاياقتار ايەلدىڭ بانكتىك شوتىنا ءۇشىنشى تۇلعالاردىڭ قول جەتكىزۋگە تىرىسىپ جاتقانىن ايتىپ، سەندىرگەن. اقشانى «قورعاۋ» جەلەۋىمەن ودان جيناعان قارجىسىن شەشىپ، ونى «ءقاۋىپسىز شوتقا» اۋدارۋدى ۇسىنعان.

الاياقتارعا سەنگەن جابىرلەنۋشى ولاردىڭ نۇسقاۋلارىن ورىنداپ، بارلىق جيناعان اقشاسىن – 2 ميلليون تەڭگەدەن استام سومانى اۋدارعان. كيبەر الاياقتار ءجيى قولداناتىن «اينالىمداعى نەسيەلەردى» رەسىمدەۋگە ۇلگەرمەگەنىمەن، ايەل الدانىپ قالعانىن ۋاقىتىندا تۇسىنگەن.

پوليسيا ەسكەرتەدى

قۇقىق قورعاۋ ورگاندارى مەن بانك قىزمەتكەرلەرىنىڭ اقشانى ءۇشىنشى جاق شوتتارعا اۋدارۋدى تالاپ ەتىپ قوڭىراۋ شالمايتىنىن ەسكە سالادى. ەگەر ازاماتتى سوتقا دەيىنگى تەرگەۋگە تارتۋ قاجەت بولسا، ونى رەسمي تۇردە شاقىرۋ قاعازىمەن شاقىرادى. تەرگەۋ ارەكەتتەرى تۋرالى اقپارات تەلەفون ارقىلى حابارلانبايدى.

بارلىق قارجىلىق وپەراسيالار تۋرالى مالىمەتتەردى تەك رەسمي بايلانىس ارنالارى ارقىلى عانا انىقتاۋ قاجەت.