InfoHub Logo

ميحايل شايدوروۆتىڭ قىسقى وليمپياداداعى التىن مەدالى قوعامدا قىزۋ تالقىلاۋ تۋدىردى. كوپشىلىك بۇل جەڭىستى ۇلتتىق جەتىستىك رەتىندە قابىلداسا، تانىمال جازۋشى قانات تىلەۋحان مۇنى جەكە تۇلعانىڭ ەڭبەگى دەپ ەسەپتەيدى.

بۇل تۋرالى Infohub.kz اقپارات اگەنتتىگى حابارلايدى.

جەكە تۇلعانىڭ جەڭىسى

جازۋشى قانات تىلەۋحان ءوزىنىڭ Instagram پاراقشاسىندا شايدوروۆتىڭ وليمپياداداعى التىنىن مەملەكەتتىڭ نەمەسە ۇكىمەتتىڭ جەتىستىگى رەتىندە قاراستىرۋعا بولمايتىنىن مالىمدەدى. ونىڭ ايتۋىنشا، بۇل – سپورتشىنىڭ ءوز تالانتىن ەڭبەكپەن شىڭداپ، قول جەتكىزگەن جەكە مەنشىك جەڭىسى.

«ادەتتە ءبىزدىڭ سپورتشىلار وليمپيادا شىڭىن باعىندىرسا، ونى ۇلتتىڭ ۇلى جەڭىسى نەمەسە ۇكىمەتتىڭ جەتىستىگى دەپ قابىلدايمىز. ال مەنىڭشە، بۇل – ادامنىڭ جەكە تالانتىن ەڭبەكپەن شىڭداپ شىققان جەكە مەنشىك جەڭىسى»، – دەيدى جازۋشى.

نازار اۋدارىلماعان ەڭبەك

قانات تىلەۋحان ميحايل شايدوروۆتى كوپشىلىكتىڭ ءقازىر قۇتتىقتاپ جاتقانىن، الايدا بۇعان دەيىن ونىڭ ەسىمىن كوپ ادام بىلمەگەنىن اتاپ ءوتتى. سپورتشى كىشكەنتايىنان وسى سپورت ءتۇرىن تاڭداپ، كاسىبي دايىندالىپ، مىنە، تاريحي جەڭىسكە جەتكەن. جازۋشىنىڭ پىكىرىنشە، مۇنداي جەڭىستەردى وزىمىزگە مەنشىكتەپ الۋعا تىرىسقانىمەن، ەشكىم بۇل جەڭىسپەن ورتاقتاسپاۋى كەرەك، تەك قۋانىشىن بولىسۋگە بولادى.

«ءسىز قالاي ويلايسىز؟» – دەپ جازۋشى ءوز اۋديتورياسىنا ساۋال تاستادى.