InfoHub Logo

جامبىل وبلىسىندا بەلگىلى سپورتشى شاۆكات راحمونوۆتىڭ جۇبايى گۇلايىم راحمونوۆاعا قاتىستى ادام ولىمىنە اكەپ سوققان جول اپاتى بويىنشا سوت ۇكىمى شىقتى. ول بەس جىلعا باس بوستاندىعىنان ايىرىلدى.

بۇل تۋرالى Infohub.kz اقپارات اگەنتتىگى حابارلايدى.

سوت وتىرىسىنىڭ مالىمەتىنشە، وقيعا 2025 جىلدىڭ 27 شىلدەسىندە الماتى-ەكاتەرينبۋرگ تاس جولىندا بولعان. راحمونوۆا Toyota Land Cruiser كولىگىن باسقارعان.

اپاتتىڭ ءمان-جايى

سوتتىڭ انىقتاۋىنشا، راحمونوۆا كولىكتى شارشاعان كۇيدە جۇرگىزىپ، باسقارۋدى قولىنان شىعارىپ العان. كولىك قارسى جولاققا شىعىپ، اۋدارىلىپ قالعان. اپات سالدارىنان ەكى جولاۋشى – ونىڭ قۇربىسى مەن ءسىڭلىسى قازا تاپتى. ءوزى دە اۋرۋحاناعا جاتقىزىلعان.

«ايىبى سوتتالۋشىنىڭ ايعاقتارىمەن، ساراپشى قورىتىندىلارىمەن جانە ءىس ماتەريالدارىمەن دالەلدەندى»، - دەلىنگەن حابارلامادا.

تاراپتاردىڭ ۇستانىمى

مەملەكەتتىك ايىپتاۋشى راحمونوۆاعا 5 جىل باس بوستاندىعىنان ايىرۋ، 7 جىلعا دەيىن كولىك جۇرگىزۋ قۇقىعىنان ايىرۋ جانە جازانى 5 جىلعا كەيىنگە قالدىرۋدى سۇراعان.

«جابىرلەنۋشى تاراپتار سوتتالۋشىنى كەشىردى، تالاپ-ارىز قويمادى. قازا تاپقان قۇربىسىنىڭ اكەسى باس بوستاندىعىنان ايىرۋمەن بايلانىستى ەمەس جازا تاعايىنداۋدى سۇراسا، ءسىڭلىسىنىڭ كۇيەۋى سوتتان جازا تاعايىنداماۋدى ءوتىندى»، - دەلىنگەن حابارلامادا.

ال راحمونوۆانىڭ ءوزى كىناسىن مويىندامادى.

سوت شەشىمى

سوت گۇلايىم راحمونوۆانى قىلمىستىق كودەكستىڭ 345-بابىنىڭ 4-بولىگى بويىنشا كىنالى دەپ تانىدى.

وعان كەلەسىدەي جازا تاعايىندالدى:

بۇل رەتتە سوت، كىشى جاستاعى بالالارى بار ەكەنىن ەسكەردى. راحمونوۆانىڭ 2 جاستان 9 جاسقا دەيىنگى ءتورت بالاسى بار. اۋىرلاتاتىن ءمان-جايلار انىقتالمادى.

«قىلمىستىق كودەكستىڭ 74-بابىنىڭ 1-بولىگىنە سايكەس، كامەلەتكە تولماعان بالانى تاربيەلەپ وتىرعان ايەلدەرگە سوت جازانى 5 جىلعا دەيىن، ءبىراق بالا 14 جاسقا تولعانشا كەيىنگە قالدىرادى»، - دەپ ءتۇسىندىردى ۆەدومستۆو.

وسىعان بايلانىستى جازانى وتەۋ 5 جىلعا كەيىنگە قالدىرىلدى.

كەلەسى نە بولادى؟

ۇكىم ءالى زاڭدى كۇشىنە ەنگەن جوق جانە شاعىمدانۋعا جاتادى.