InfoHub Logo

ادامنىڭ كوبى شەكتەۋلەردىڭ تەك تەرىس جاعىن كورىپ، ارمانعا قول جەتكىزۋدەگى كەدەرگى دەپ بىلەدى. ولار وزدەرىنە «ەگەر ەشقانداي كەدەرگى بولماسا رومان جازار ەدىم، ءتىل ۇيرەنەر، بيزنەس باستار ەدىم نەمەسە كوبىرەك ساياحاتتار ەدىم» دەپ ايتىپ جاتادى. ال ەگەر دە ءبارى كەرىسىنشە بولىپ، ءدال وسى كەدەرگىلەر ادامنىڭ ماقساتىنا جەتۋىنە كومەكشى بولىپ شىقسا شە؟

حح عاسىردىڭ بەدەلدى كومپوزيتورلارىنىڭ ءبىرى يگور ستراۆينسكيي بىردە بىلاي دەيدى: «سىزگە قانشالىقتى كوپ شەكتەۋ قويىلسا، سونشالىقتى ءسىز ەركىن بولا تۇسەسىز». شەكتەۋلەردىڭ بولماۋى ادامدى توقتاتىپ قويادى. سەبەبى سىزدە تىم كوپ تاڭداۋ مەن تىم كوپ مۇمكىندىك بار.

شەكتەۋلەر شىعارماشىلىق ۇدەرىستى ماقساتقا قاراي باعىتتايتىن قۇرىلىمىن جانە شەگىن بەلگىلەيدى.

شۇعىل پروتوتيپتەر

«Yahoo!»-نىڭ بۇگىنگى پرەزيدەنتى جانە باس اتقارۋشى ديرەكتورى ماريسسا ەنن مايەر «شەكتەۋلەر ماسەلەلەردى انىقتاپ، ولارعا نازار اۋدارتادى جانە ول ماسەلەلەردى شەشۋ ءۇشىن ناقتى تاپسىرمالارمەن جابدىقتايدى» دەپ تۇسىندىرەدى. ول «Google»ء-دىڭ ىزدەۋ ونىمدەرى مەن قولدانۋشىلارى بويىنشا ۆيسە-پرەزيدەنتى بولعاندا مىناداي شەكتەۋلەر قويعانىن ايتادى:

- شەكتەۋلى ۋاقىتتا دايىن پروتوتيپتەر قۇرۋ: كەيدە جەتى كۇنگە دەيىن، كەيدە ءتىپتى ءبىر كۇنگە دەيىن.

- كومانداداعى ادامدار سانىن ۇشكە دەيىن شەكتەۋ.

^{ماريسسا ەنن مايەر}

مايەردىڭ ايتۋىنشا، قابىلدانعان يدەيالار بويىنشا قىسقا ۋاقىت ىشىندە كىشىگىرىم كوماندامەن جۇمىس ىستەۋ ارقىلى ولار بۇل يدەيانىڭ جاقسى نەمەسە ناشار ەكەنىن تەز انىقتايتىن بولعان. ەگەر شۇعىل پروتوتيپ يدەيانىڭ جۇمىس ىستەمەۋى مۇمكىن ەكەنىن كورسەتەتىن بولسا، ولار ودان باس تارتاتىن. جانە باس تارتۋ اسا اۋىرتپالىقسىز وتەتىن، سەبەبى ينۆەستيسيا از قۇيىلعان.

بيۋدجەتتىك شەكتەۋلەر

«The Houdini Solution: Why Thinking Inside the Box is the Key to Creativity» اتتى كىتابىندا ەرني شەنك بىلاي دەيدى: «كوپ جاعدايدا ومىردەگى بارلىق نارسە — قوراپ (جاناما تۇردە ءسوز «thinking outside the box» مەتافوراسى جايلى)». ياعني ءومىر شەكتەۋ مەن كەدەرگىلەگرە تولى.

بۇل ءبىزدىڭ قارىم-قاتىناسىمىزعا، جۇمىسقا، تۇراتىن جەرىمىزگە، بانك شوتتارىنا جانە تاعى باسقالارىنا قاتىستى. وسىعان وراي مىنانداي سۇراق تۋىنداۋى مۇمكىن: وسىنداي شەكتەۋدىڭ ىشىندە قالايشا بارىنشا جاسامپاز بولا الامىز؟ ەرنەستىڭ ايتۋىنشا، ءدال وسى شەكتەۋلەر ءبىزدى ازات ەتۋشى بولىپ تابىلادى.

^{بلەرلدەن شىققان جالماۋىز ءفيلمىنىڭ پوستەرى}

ول تۇسىرىلىمىنە 50 مىڭ دوللار كەتكەن «بلەرلدەن شىققان جالماۋىز» ۇرەيلى ءفيلمىن مىسالعا كەلتىرەدى. ناتيجەسىندە ول پروكاتتا 240 ملن. دوللار تابىس تاپتى. وسى بيۋدجەتتىك شەكتەۋلەر بۇل ءفيلمدى تابىستى ەتتى. وقيعانى جاساندى اق-قارا دەرەكتى فيلم ارقىلى باياندايتىن جانە تاجىريبەسىز وقۋشىلارمەن تۇسىرىلگەن بۇل ەڭبەك، اۋديتورياعا ناعىز قاجەتتى جانە كورەرمەندەردى شىن مانىندە قورقىتاتىن تۋىندى بولىپ شىقتى.

ۋاقىت شەكتەۋلەرى

NaNoWriMo دەپ اتالاتىن سايت 30 كۇندە رومان جازاتىن قولدانۋشىلارعا ارنالعان. كوپ ادام مۇنى تۇككە تۇرعىسىز يدەيا دەپ ەسەپتەۋى مۇمكىن، الايدا بۇل قاراپايىم شەكتەۋ سايتتاعى مىڭداعان اۆتور ءۇشىن جۇمىس ىستەيدى.

NaNoWriMo قويعان 30 كۇندىك شەكتەۋ ءماتىن جازۋدى كەيىنگە شەگەرىپ جۇرگەن الەۋەتتى جازۋشىعا بار مۇمكىندىكتى جاسايدى:

- ول جازۋدى باستاۋعا ماجبۇرلەيدى

- جازۋعا ۋاقىت تابۋعا ماجبۇرلەيدى

- ول تارتىپكە ۇيرەتىپ، جازۋ ادەتىن دامىتۋعا كومەكتەسەدى

- ول يدەيا تابۋعا جانە رومان جازۋعا كومەكتەسەدى

NaNoWriMo شەشىمى — رومان جازۋ تۋرالى ويلاي بەرمەي، ىسكە كىرىسۋگە تاماشا ءادىس.

قۇرىلىس بلوكتارىنداي شەكتەۋلەر

فرەنك گەري ءوزىنىڭ ەكلەكتيكالىق پوستمودەرنيزمدىك جوبالارىمەن تانىس. ولاردىڭ قاتارىندا ۋولت ديسنەي كونسەرت زالى جانە بيلباوداعى گۋگگەنحايم مۇراجايى بار. گەري شەكتەۋلەردى شىعارماشىلىعىنىڭ ىرگەتاسى دەپ ەسەپتەيدى.

ول نولدىك شەكتەۋلەرمەن ءۇي جوبالاۋعا تاپسىرما العاندا، بۇل ونىڭ ەڭ ۇلكەن ارحيتەكتۋرالىق تاپسىرىسى ەكەنىن اڭعارعان. گەري ول تۋرالى بىلاي دەيدى: «بۇل ءبىر قيىن كەزەڭ بولدى. مەن ايناعا قاراپ، وزىمە ۇزاق ۋاقىت بويى: «مەن كىممىن؟ نە ىستەپ ءجۇرمىن؟ مۇنىڭ ءبارى نە ءۇشىن كەرەك؟» دەگەن سۇراقتار قويدىم».

گەريدى شابىتتاندىراتىنى — Disney Hall-داعى اكۋستيكا سياقتى قاتاڭ ستاندارتتاردى ۇستانۋ. گەري كەدەرگىلەردى قۇرىلىس بلوكتارى رەتىندە كورەدى.

^{ۋولت ديسنەي كونسەرت زالى}

ارەكەت ەتۋ ايماعىنداعى شەكتەۋلەر

ديەۆيد گاففني جازۋشى بولۋدى قالايتىن. جازۋعا ۋاقىتى جوق ەكەنىن ول جاقسى ءبىلدى، ءبىراق ارمانىن ىسكە اسىرماي قويمادى. ول كۇنىنە 150 سوزدەن تۇراتىن ءبىر-اق وقيعادان جازىپ وتىردى. وسىنداي قىسقا اڭگىمەلەردى كوپتەپ جازىپ، جاريالايدى.

بۇگىندە گاففنيدىڭ قىسقا اڭگىمەلەر جيناعى جاقسى ساتىلادى، ال ول ءوز ارمانىنا جەتتى — جازۋشى بولدى. بۇعان ول جولىندا كەزدەسكەن شەكتەۋلەر جانە ولاردى ءوز پايداسىنا اسىرۋ ارقىلى جەتتى.

كرەاتيۆتى ويلاۋ

شىعارماشىلىق بويىنشا اۆتور جانە كەڭەسشى رودجەر فون وح (Roger von Oech)، ءوزىنىڭ كەيبىر ۇزدىك يدەيالارى ويلارى ۇشى-قيىرى جوق شەكارادان اسىپ كەتكەندە ەمەس، قوراپتا بولعاندا كەلەتىنىن ايتادى. ياعني باسشىلىق ەتەتىن ناقتى پرينسيپتەر بار، تەك سوعان ەرىپ وتىرۋ كەرەك.

ول 64 شەكتەۋ ويلاپ تاۋىپ، ولاردىڭ ءارقايسىن كارتوچكالارعا جازىپ قويادى. ەندى وعان شىعارماشىلىق جوبا بويىنشا جۇمىس ىستەۋ قاجەت بولعاندا ول ءبىر كارتوچكانى سۋىرىپ الىپ، يدەيا ءوندىرۋ ۇدەرىسى كەزىندە قولدانادى.

ءوزىڭدى ارەكەتكە ماجبۇرلەۋ

«The White Stripes» توبىنىڭ ءانشىسى دجەك ۋايت ءوزىن ادەيىلەپ شەكتەيتىنىمەن جانە ءوزىن سولاردىڭ شەڭبەرىندە جۇمىس ىستەۋگە ماجبۇرلەيتىنىمەن دە تانىمال: «ءوزىڭىزدى ماجبۇرلەڭىز. ستۋديانى 4 كۇنگە جالداپ، البوم جازىڭىز. شەكتەۋلى مەرزىم ءسىزدى شىعارماشىل ەتە تۇسەدى. الۋان ءتۇرلىلى ەركىندىكشىعارماشىلىقتى جويادى».

سونىمەن قاتار ۋايت ساپاسى تومەن اسپاپتاردى ءجيى قولدانادى. ولاردان وزىنە قاجەتتى دىبىستى الۋ ءۇشىن بار جىگەرىن سالادى. ۋايت ءۇشىن شەكتەۋ مەن كرەاتيۆ بىر-بىرىمەن بىتە قايناسىپ جاتىر.

اقىن سياقتى ويلاۋ

نەلىكتەن اقىن سياقتى ويلاۋ كەرەك؟ سەبەبى اقىن، ءوزى تاڭداعان قالىبى مەن ۇيقاسى ارقىلى شەكتەلگەن. ءدال وسى شەكتەۋلەر شىعارماشىلىققا قاجەتتى قيالعا دەم بەرۋگە، وي جيناقتاۋعا كومەكتەسەدى.

ساتتىلىك تىلەيمىز!

---