tengrinews.kz
شەمونايحاداعى قۇرىلىس الاڭىنان ادام سۇيەكتەرى تابىلدى
شەمونايحا قالاسىندا جاڭا ينفەكسيالىق اۋرۋحانا قۇرىلىسى كەزىندە ادام سۇيەكتەرى تابىلىپ، جۇرتشىلىقتى ەلەڭ ەتكىزدى. تۇرعىنداردىڭ ايتۋىنشا، بۇل جەردە سۇيەكتەر شاشىلىپ جاتقانداي كورىنەدى.
«سۇيەكتەرگە تولى. ءقابىرستاننىڭ ۇستىمەن جۇرگەندەي اسەر قالدىرادى. جاق سۇيەك، باس سۇيەك، اياق-قول سۇيەكتەرى، ءتىپتى ساۋساق تا تابىلدى. بۇل وتە قورقىنىشتى. مارقۇمداردىڭ مازاسىن الماۋ كەرەك»، - دەيدى جەرگىلىكتى تۇرعىنداردىڭ ءبىرى.
تۇرعىنداردىڭ سوزىنشە، وتكەن عاسىردا بۇل جەردە جۇقپالى اۋرۋلاردان قايتىس بولعان ادامدار جەرلەنۋى مۇمكىن. سوندىقتان ولار ءارتۇرلى اۋرۋلاردىڭ تارالۋىنان قاۋىپتەنەدى.
بيلىك وكىلدەرى الاڭداماۋعا شاقىرىپ، بۇل جەردە بۇرىن ينفەكسيالىق اۋرۋحانا بولعانىن جانە ادامدار جەرلەنگەنىن راستادى. الايدا، كەيىن بۇل اۋماق بەلسەندى تۇردە يگەرىلىپ، قۇرىلىس جۇرگىزىلگەن. تابىلعان سۇيەكتەردى بارلىق قاۋىپسىزدىك شارالارى ساقتالا وتىرىپ، قايتا جەرلەۋگە ۋادە بەردى. مەديسينا قىزمەتكەرلەرى دە مۇندا بۇرىن ەشقانداي ىندەتتىڭ ورشىمەگەنىن ايتىپ وتىر.
«پوليسيا قورىتىندىسىنا سايكەس، تابىلعان قالدىقتاردى قايتا جەرلەۋ قاجەت. ولار تاريحي قۇندىلىققا يە ەمەس. شەمونايحا اكىمدىگى ولاردى زاڭ تالاپتارىنا ساي، قولدانىستاعى زيراتقا جەرلەۋ تۋرالى شەشىم قابىلدادى»، - دەدى شىعىس قازاقستان وبلىسى اكىمىنىڭ باسپا ءسوز حاتشىسى لاۋرا جاقىپوۆا.
-
سەرگەي پوريادكين ەسىمدى ازامات 1990 جىلداردان بەرى جەكە كۋالىگىنسىز ءومىر سۇرگەن. ول رەسمي جۇمىسقا ورنالاسا الماي، الەۋمەتتىك تولەمدەر مەن مەديسينالىق كومەك الا الماعان.
-
بالاباقشاداعى تارتىپسىزدىك تۋرالى جاڭالىق جۇرتشىلىقتى دۇرلىكتىردى. تاربيەشىنىڭ كىشكەنتاي بۇلدىرشىنگە قول كوتەرگەنى بەينەكامەراعا ءتۇسىپ قالدى.
