InfoHub Logo

قازاقستان رەسپۋبليكاسى تاۋەلسىزدىگىنىڭ 25 مەرەيتويىنا وراي «بولاشاق» قاۋىمداستىعى «KazAlliance» قب قولداۋىمەن «بولاشاق» باعدارلاماسىنىڭ ستيپەنديانتتارى اتىنان بەينەقۇتتىقتاۋ دايىندادى، دەپ حابارلايدى قاۋىمداستىقتىڭ باسپا ءسوز قىزمەتى.

الەمنىڭ ءتۇرلى ەلدەرى مەن جوو-دا ءبىلىم الۋشى ءبىزدىڭ ستۋدەنتتەر مەملەكەتتىڭ تاۋەلسىزدىك مەرەيتويىنا شىن ىقىلاسپەن جىلى تىلەكتەر ارناعان بەينەقۇتتىقتاۋ ءتۇسىردى.

ەسكە سالا كەتسەك، ءقازىر 12 مىڭنان استام جاستار قازاقستان رەسپۋبليكاسى پرەزيدەنتىنىڭ «بولاشاق» حالىقارالىق ستيپەندياسىنىڭ ستيپەنديانتتارى، ولاردىڭ 8 مىڭنان استامى ءقازىر ەكونوميكانىڭ ءتۇرلى سالالارىندا قىزمەت اتقارۋدا.

بۇگىندە، مىڭنان استام جاس شەتەلدە ءبىلىم الۋدا، وتاننان جىراق بولسا دا، العان بىلىمدەرىن جانە تاجىريبەلەرىن ەلىمىزدىڭ ءارى قاراي دامۋىنا قولدانۋعا نيەت بىلدىرەدى.

اتالعان بەينەقۇتتىقتاۋ «بولاشاق» قاۋىمداستىعى قازاقستان رەسپۋبليكاسىنىڭ تاۋەلسىزدىگىنىڭ 25-جىلدىعىنا جانە قاۋىمداستىقتىڭ 15-جىلدىعىنا وراي ارنالعان «25 قايىرىمدى ءىس» جوباسىنىڭ اياسىندا جۇزەگە اسىرىلىپ وتىر.

---