InfoHub Logo

ءانشى قاراقات ءابىلدينا اكەسىنىڭ 20 جىلدىعىنا وراي اس بەردى. الايدا، بۇل شارانىڭ ۇيىمداستىرىلۋ مانەرى كوپشىلىكتىڭ نارازىلىعىن تۋدىردى. جەلى قولدانۋشىلارى بۇل جاعدايدى «شوۋ» دەپ اتاپ، سىنعا الدى.

بۇل تۋرالى Infohub.kz اقپارات اگەنتتىگى حابارلايدى.

اكەگە ارنالعان اس تويعا ۇقساپ كەتتى

ءانشى ءوزىنىڭ الەۋمەتتىك جەلىدەگى پاراقشاسىندا اكەسىن ەسكە الىپ، ونىڭ تۋعان كۇنىنە ارناپ داستارحان جايعانىن جازدى. قاراقات ءابىلدينا اكەسىنىڭ بيىل توقسانعا تولار ەدى دەپ، ونىڭ تاربيەسى مەن قالدىرعان ءىزىنىڭ ماڭگى ەستە قالاتىنىن ايتتى. اۋىزاشارعا ءانشىنىڭ ارىپتەستەرى مەن تانىمال تۇلعالار، سونىڭ ىشىندە بەكبولات تىلەۋحان دا قاتىستى. شارادا التىناي جورابايەۆا باستاعان انشىلەر ءان شىرقاپ، كەيبىر قاتىسۋشىلارعا شاپان جابىلعان.

جەلىدەگىلەر نارازىلىق ءبىلدىردى

اس بەرۋ ءراسىمىنىڭ تويعا ۇقساپ كەتكەنى جەلى قولدانۋشىلارىنىڭ اشۋىن كەلتىردى. ولار ءانشىنىڭ بۇل ارەكەتىن سىنعا الىپ، پىكىرلەرىن جارىسا جازدى. كەيبىر پىكىرلەر مىناداي بولدى:

جەلىدەگىلەردىڭ ايتۋىنشا، مۇنداي شارالاردا تەك قۇران وقىلىپ، دۇعا جاسالۋى ءتيىس. ال ءان ايتىپ، شاپان جابۋ – تويدىڭ بەلگىسى.