InfoHub Logo

شىمكەنت سىرا زاۋىتىنىڭ 50 جىلدىق مەرەيتويى قارساڭىندا كاسىپورىن يەسى تۇرسىنعالي الاگوزوۆ ءوز قىزمەتكەرلەرىنە 50 پاتەر سىيعا تارتۋ ەتتى. بۇل تۋرالى كومپانيانىڭ باسپا ءسوز قىزمەتى حابارلادى.

بۇل تۋرالى Infohub.kz اقپارات اگەنتتىگى حابارلايدى.

جاڭا پاتەرلەر زاۋىتتىڭ دامۋىنا 20 جىلدان استام ۇلەس قوسقان، ونىڭ قالىپتاسۋىنا ەلەۋلى ەڭبەك سىڭىرگەن جۇمىسشىلارعا بەرىلەدى. اسىرەسە، ءوندىرىستىڭ العاشقى ىرگەتاسىن قالاعان، ۇزاق جىل ەڭبەك ەتكەن قىزمەتكەرلەرگە باسىمدىق بەرىلمەك.

ەڭبەك سىڭىرگەن قىزمەتكەرلەرگە قۇرمەت

44 جىلدىق ەڭبەك ءوتىلى بار ساپا ينجەنەرى مارجان ناسرۋللينا ءوز قۋانىشىن جاسىرا المادى: «تۇرسىنعالي تۇرىسۇلىنا ۇلكەن راحمەت. ول زاۋىتتى 2 جىل بۇرىن ساتىپ الدى، سودان بەرى كاسىپورىندا دا، مەنىڭ ومىرىمدە دە كوپ وزگەرىستەر بولدى. 2025 جىلى مەن العاش رەت تۇركياداعى رەگاتاعا باردىم. بۇگىن ماعان پاتەر سىيلادى، بۇل مەن ءۇشىن سوزبەن جەتكىزۋ مۇمكىن ەمەس باقىت»، - دەدى ول.

مارجاننىڭ قىزى دا وسى كاسىپورىندا جۇمىس ىستەيدى، ال نەمەرەسىنىڭ تۇساۋكەسەرىن زاۋىتتىڭ ناۋرىز تويىندا جاساعان.

وتباسىلىق باقىتقا جول اشقان سىي

باسقا قىزمەتكەرلەر دە ريزاشىلىقتارىن ءبىلدىردى. 22 جىلدان استام ۋاقىتتان بەرى زاۋىتتا اعاش ۇستاسى بولىپ جۇمىس ىستەيتىن ءقادىرجان راسۋلوۆ ءوز اسەرلەرىمەن ءبولىستى. «مەنىڭ ءتورت بالام بار، كوپبالالى اكەمىن. ولاردىڭ قۋانىشىن ەلەستەتىپ كورىڭىزدەر! ءبىز كوپ جىل بويى باسپانا جالداپ كەلدىك، ەندى مىنە، وتباسىمىزدىڭ ءوز شاڭىراعى بولادى. مەنىڭ ويىمشا، بىزدە ەڭ ۇزدىك باسشى بار، سەبەبى بارلىق كاسىپكەرلەر تۇرسىنعالي تۇرىس ۇلىنىڭ قاراپايىم جۇمىسشىلار ءۇشىن ىستەپ جاتقان ىستەرىن جاساي بەرمەيدى»، - دەپ اتاپ ءوتتى ءقادىرجان راسۋلوۆ.

رەكوردشىعا قۇرمەت

ەلەكترمونتور كەمەلكەن تاشحودجايەۆ زاۋىتتىڭ ىرگەسى قالانعالى بەرى جۇمىس ىستەپ كەلەدى. ونىڭ 46 جىلدىق ەڭبەك ءوتىلى بار – ول زاۋىتتىڭ رەكوردسمەنى. «مەن 1980 جىلى جۇمىسقا كەلگەنمىن، سول كەزدە جاس ءارى جىگەرىم مول ەدى. ۋاقىت ءبىر ساتتە ءوتىپ كەتتى، بۇگىن ماعان پاتەر كىلتىن تابىستادى. وسى جىلدار ىشىندە قانشاما باسشى اۋىستى، ءبىراق ءبىزدىڭ ەڭبەگىمىزدىڭ مۇنداي جوعارى باعالانعانىن ەسىمدە جوق! تۇرسىنعالي الاگوزوۆ شىنايى قامقورلىق پەن ادامگەرشىلىك تانىتادى»، - دەدى كەمەلكەن تاشحودجايەۆ.

اتاپ ءوتۋ كەرەك، پاتەرلەر شىمكەنت قالاسىنداعى جاڭا «Jas Otau Tulip» تۇرعىن ءۇي كەشەنىنەن بەرىلدى.

شپز وكىلدەرى بۇل قادامدى كاسىپكەردىڭ الەۋمەتتىك ساياساتىنىڭ جالعاسى رەتىندە قاراستىرادى. باسپا ءسوز قىزمەتى 2025 جىلى تۇرسىنعالي الاگوزوۆتىڭ Galanz Bottlers كومپانياسىنىڭ قىزمەتكەرلەرىنە 100 پاتەر تابىستاعانىن ەسكە سالدى. بۇل ءىس-شارا سول كەزدە قوعامدا ۇلكەن رەزونانس تۋدىرعان بولاتىن.