tengrinews.kz
شىمكەنتتە 2،7 ميلليارد تەڭگەگە سالىنعان بوگەتتىڭ ءبىر بولىگىن بەيمالىم تۇلعالار قيراتتى
شىمكەنتتە بادام وزەنىنىڭ بويىنداعى قۇنى 2،7 ميلليارد تەڭگەگە باعالانعان بوگەتتىڭ ءبىر بولىگى بەيمالىم ادامداردىڭ ارەكەتىنەن قيراپ قالدى. جاعالاۋدى بەكىتۋ جۇمىستارى اياقتالعانىنا بىرنەشە اي عانا بولعاندا، 40 مەتردەي بەتون قۇرىلىمى زاقىمدالدى.
بۇل تۋرالى Infohub.kz اقپارات اگەنتتىگى حابارلايدى.
بوگەتتىڭ ءبۇلىنۋ سەبەبى
شىمكەنت قالاسىنىڭ جايلى قالالىق ورتانى دامىتۋ باسقارماسىنىڭ مالىمەتىنشە، بەلگىسىز تۇلعالار وزەن ارناسىنان تىكەلەي تاس وندىرۋمەن اينالىسقان. وسى ارەكەتتەرى سالدارىنان گيدروتەحنيكالىق قۇرىلىس زاقىمدالعان.
ناتيجەسىندە، شامامەن 40 مەتردەي بەتون بوگەتكە نۇقسان كەلدى. قۇقىق قورعاۋ ورگاندارى كىنالىلەردى انىقتاۋ جۇمىستارىن جۇرگىزىپ جاتىر.
ۆەدومستۆونىڭ حابارلاۋىنشا، وزەندەگى جاعداي تۇراقتى. قازىرگى ۋاقىتتا جاقىن ماڭداعى اۋماقتاردى سۋ باسۋ ءقاۋپى جوق.
2،7 ميلليارد تەڭگەلىك جوبا
جاعالاۋدى بەكىتۋ جۇمىستارى وتكەن جىلدىڭ جەلتوقسان ايىندا اياقتالعان بولاتىن. بادام وزەنىنىڭ بويىندا 5،3 شاقىرىم جاعالاۋ سىزىعى بەكىتىلدى.
يگىلىك، جاڭاتالاپ جانە كوكبۇلاق ەلدى مەكەندەرىندە ماماندار وزەن ارناسىن تەگىستەپ، ەڭىستەردى بەتونمەن قاپتاپ، گيدروتەحنيكالىق قۇرىلىستاردى نىعايتتى.
جوبانى ىسكە اسىرۋعا بيۋدجەتتەن 2،7 ميلليارد تەڭگە بولىنگەن ەدى. جاڭارتىلعان بوگەتتىڭ سۋ تاسقىنى ءقاۋپىن ازايتاتىنى كۇتىلگەن بولاتىن.
بۇلىنگەن ۋچاسكەسىن مەردىگەر ۇيىم ءوز ەسەبىنەن قالپىنا كەلتىرەدى. نىسان جەتى جىلدىق كەپىلدىك مەرزىمىندە.
-
يزۆەستنىي كازاحستانسكيي اكتەر كايرات اديلگەرەي پرينەس پۋبليچنىە يزۆينەنيا زا سۆوي ۆىسكازىۆانيا و ۆەليكوم كيۋيشي كۋرمانگازى ساگىربايۋلى، پروزۆۋچاۆشيە ۆ ودنوم يز پودكاستوۆ.
-
ەسكى عيماراتتا ورىن جەتپەي، قارجى مينيسترلىگىنىڭ مەملەكەتتىك كىرىستەر كوميتەتىنە جاڭا اكىمشىلىك عيمارات قۇرىلىسى باستالدى. بۇل جوبا قالانىڭ تىعىز ورنالاسقان اۋدانىندا ورنالاسقاندىقتان، كەيبىر سۇراقتار تۋىنداتۋدا.
