depositphotos.com
شىمكەنتتە ادام ىندەتكە شالدىقتى: سەبەبى نارىقتان الىنعان ەت بولۋى مۇمكىن
شىمكەنتتە 75 جاستاعى ەر ادامنان ءسىبىر جاراسى (سيبيرسكايا يازۆا) انىقتالدى. الدىن الا بولجام بويىنشا، ناۋقاس نارىقتان ساتىپ العان ەت ونىمدەرىنەن جۇقتىرۋى مۇمكىن.
بۇل تۋرالى Infohub.kz اقپارات اگەنتتىگى حابارلايدى.
ىندەتتىڭ تارالۋ جولدارى انىقتالۋدا
كەيىننەن انىقتالعانداي، اۋرۋعا شالدىققان ناۋقاسقا ارنالعان ەتتى فەرمەرلەردىڭ ءبىرى اكەلگەن. ول بارلىعى التى باس ءىرى قارا مال سويىپ، ونىڭ ەتىن قالانىڭ ساۋدا ورىندارىنا تاراتقان.
الايدا، مال يەسى وزىنە تيەسىلى بورداقىلاۋ الاڭىن تەكسەرۋگە مامانداردى جىبەرمەي وتىرعانى ايتىلادى.
ناۋقاس اۋرۋحاناعا جاتقىزىلدى
ماماندار ءقازىر ىندەتتىڭ تارالۋىنىڭ ىقتيمال جولدارىن انىقتاۋعا كىرىستى. ناۋقاس اۋرۋحاناعا جاتقىزىلىپ، دارىگەرلەردىڭ باقىلاۋىندا.
«اۋرۋحاناعا تۇسكەن ساتتەن باستاپ ناۋقاسقا تولىق كەشەندى تەكسەرۋ جۇرگىزىلدى. قاجەتتى زەرتحانالىق جانە اسپاپتىق زەرتتەۋلەر تاعايىندالدى. ولاردىڭ ناتيجەلەرى بويىنشا ينفەكسيالىق اۋرۋ دياگنوزى راستالدى»، - دەپ ءتۇسىندىردى شىمكەنت قالالىق دەنساۋلىق ساقتاۋ باسقارماسىنىڭ باسپا ءسوز قىزمەتى.
ەمدەۋ حاتتاماعا سايكەس جۇرگىزىلىپ جاتقانى ايتىلدى.
-
كاشاعان كەن ورنىنداعى كۇكىرتتى ساقتاۋ ماسەلەسى ەكولوگيالىق داۋدان حالىقارالىق جانجالعا ۇلاسۋدا. بۇل قازاقستاننىڭ ينۆەستيسيالىق تارتىمدىلىعى مەن ەكولوگيالىق مۇددەلەرى اراسىنداعى تەپە-تەڭدىكتى ساقتاۋ قابىلەتىنە سىناق بولىپ وتىر.
-
شىمكەنت قالاسىندا 75 جاستاعى ەر ادامنان ءسىبىر جاراسى اۋرۋى انىقتالىپ، اۋرۋحاناعا جاتقىزىلدى. ماماندار ينفەكسيانىڭ تارالۋ جولدارىن انىقتاپ جاتىر.
