شىمكەنتتە جۋرناليست ءمولدىر نۇرمان بيلىك قىسىمىنا ۇشىراعانىن مالىمدەدى
شىمكەنتتە تاۋەلسىز جۋرناليست ءمولدىر نۇرمان 40 ملرد تەڭگەنىڭ جۇمسالۋىنا قاتىستى زەرتتەۋىنەن كەيىن قۋدالاۋعا ۇشىراعانىن ايتتى. بۇل تۋرالى Infohub.kz سايتى جازدى.
جۋرناليست قالاداعى اۋىز سۋ جۇيەسىن كوممۋنالدىق مەنشىككە قايتارۋ بارىسىن زەرتتەپ، بۇل ۇدەرىستەگى اشىقتىققا كۇمان كەلتىرگەن. ونىڭ سوزىنشە، وسىعان بايلانىستى بۇرىن قوزعالعان قىلمىستىق ءىس جابىلعانىمەن، قۇقىق قورعاۋ ورگاندارى ءىستى قايتا قوزعاپ، "فيلولوگيالىق ساراپتاما قورىتىندىسىنا" سۇيەنە وتىرىپ كەشىرىم سۇراۋدى تالاپ ەتكەن.
— مەن بيۋدجەت قارجىسىن ءتيىمدى پايدالانۋدى تالاپ ەتكەنى ءۇشىن قىسىمعا تاپ بولدىم. قالادا بالالار ولىمىنە سەبەپ بولعان جول اپاتتارى بار، ءبىراق اكىمدىك ءۇنسىز. مەنىڭ جازبالارىمنان كەيىن TikTok-تا دا "تىنىش ءجۇر" دەگەن ەسكەرتۋلەر الامىن، — دەيدى ءمولدىر نۇرمان.
جۋرناليست بيلىك وكىلدەرى تاراپىنان الەۋمەتتىك جەلىدەگى بەلسەندىلىگى ءۇشىن ەسكەرتۋ العانىن العا تارتادى.
You Might Also Like
-
كوكسۋ وزەنىنەن اعىس الىپ كەتكەن ەر ادامنىڭ ءمايىتى تابىلدى،دەپ جازادى Infohub.kz.
-
قازاقستاندىق قولدانۋشىلار 2GIS ناۆيگاسيالىق قوسىمشاسىن قازاق تىلىنە نەمقۇرايلى قارادى دەپ ايىپتادى. ولاردىڭ ايتۋىنشا، كەيبىر مەكەمەلەردىڭ قازاقشا ءمازىرى جوق ەكەنىن ايتىپ، تەرىس پىكىر جازعان قولدانۋ...
